Tags-Ghar

tumhī batāo ki aise meñ kyā banāte ghar
ki ghar ke vāste koī charāġh hī na milā

ye kyā ki roz pahuñch jaatā huuñ maiñ ghar apne
ab apnī jeb meñ apnā pata na rakkhā jaa.e

ye ghar dar-o-dīvār kī had tak hai salāmat
lekin vo jo ghar TuuT gayā hai mire dil meñ

umr bhar safar hī to phir nasīb hotā hai
ghar se jab nikal jaa.eñ āshiyāñ nahīñ milte

dar-o-dīvār se ye kaise nazar aate haiñ
jis ko vīrāna samajh baiThe haiñ vo ghar hī na ho

maiñ tirī balā se ujaḌ gayā tirā hausla to nikal gayā
ye baḌī ḳhushī kā maqām hai ki ye iid bhī tire ghar huī

ye kyuuñ baaqī rahe ātish-zano ye bhī jalā Daalo
ki sab be-ghar hoñ aur merā ho ghar achchhā nahīñ lagtā

ghar se bāhar
āñgan meñ

maiñ na kahtā thā ki bahkā.enge tum ko dushman
tum ne kis vāste aanā mire ghar chhoḌ diyā

hashr meñ le ke chalo mutrib o ma.ashūq o subū
ġhair ke ghar meñ kabhī raat bhī ho jaatī hai

ye aur baat ki kāñdhoñ pe le ga.e haiñ use
kisī bahāne se dīvāna aaj ghar to gayā

jab se dil andhā huā āñkheñ khulī rakhtā huuñ maiñ
us pe martā bhī huuñ ġhāfil bhī nahīñ ghar-bār se

safar pe nikle haiñ ham puure ehtimām ke saath
ham apne ghar se kafan saath le ke aa.e haiñ

kuchh kaho 'yakrū' piyā dar siiñ tire Taltā nahīñ
būjhtā hai ek ye ghar jāntā nahiñ pāñch saat

diye jalā.e umīdoñ ne dil ke gird bahut
kisī taraf se na us ghar meñ raushnī aa.ī

āshāoñ kī sohnī sajrī sej sajā.e rakkhūñ
jaane kaun ghaḌī mere ghar meñ aan barājeñ pariyāñ

koī ghar se nikaltā hī nahīñ hai
havā ko thak ke so jaanā paḌegā

dard kī lazzat se nā-vāqif ḳhushbū se mānūs na thā
mere ghar kī miTTī se vo shaḳhs bahut begāna thā

be-ghar honā be-ghar rahnā sab achchhā Thahrā
ghar ke andar ghar nahīñ paayā shahr meñ paayā shahr

kisī kī yaad ke bādal barasne vaale the
bahut ḳharāb thā mausam so aaj ghar meñ rahe