Tags-Ghar

sub.h savere thī kirnoñ kī bazm sajī
shaam ko ghar se tanhā ik saaya niklā

ham aur lagā.eñ apne paḌosī ke ghar meñ aag
bhagvān hī bachā.e hameñ aise paap se

tujh bin ghar kitnā suunā thā
dīvāroñ se Dar lagtā thā

chain bāhar bhī nahīñ hai phir na jaane kyuuñ 'zafar'
dukh sā hotā hai ki lauT aayā huuñ ghar kis ke liye

chhat Tapaktī thī agarche phir bhī aa jaatī thī niiñd
maiñ na.e ghar meñ bahut royā purāne ke liye

maiñ 'zafar' tā-zindagī biktā rahā pardes meñ
apnī ghar-vālī ko ik kañgan dilāne ke liye

sab ko maiñ un kī kitāboñ meñ nazar aatā huuñ
log paḌhte haiñ tire shahr meñ ghar ghar mujh ko

koī aañsū chamakne meñ hamārā saath detā
to zohra aur atārid apne ghar kī raah lete

ghar se bābar tū na niklā tā-hanūz
tere dar par sar na phoḌūñ kis tarah

isī pe shahr kī saarī havā.eñ barham thiiñ
ki ik diyā mire ghar kī muñDer par bhī thā

ajiib vahshateñ hisse meñ apne aa.ī haiñ
ki tere ghar bhī pahuñch kar sakūñ na paa.eñ ham

shabnamī chehra chhupā.ūñ kaise bachchoñ se 'fahīm'
shaam aatī hī nahīñ ghar meñ tahārat ke baġhair

ajiib dhund hai dasht-e-safar pe chhā.ī huī
na ḳhatm hotā hai rasta na ghar nikaltā hai

le chalā maiñ tirī jannat se bayābāñ kī taraf
sar chhupāne ko vahāñ tū mujhe ghar bhī denā

mai-kade ham ghar se jā.eñge 'riyāz'
ek botal saath ḳhālī jā.egī

hamāre ghar tiin roz rah kar chale ga.e vo black-beauty
magar kam-az-kam pachās sābun ġharīb-ḳhāne meñ ghis ga.e haiñ

sahar ko uThtī nahīñ haiñ begam baġhair tabla baġhair sargam
hamāre ghar ke tamām bartan unheñ jagāne meñ ghis ga.e haiñ

ghar meñ diyā jalā ki lage boltā huā
dīvār-o-dar pe zīnat-o-zebā.ī aa.egī

aisī vahshat kā burā ho ki ham apne ghar se
ġham hue ḳhud bhī mohabbat kī nishānī kī tarah

bahut bechain kar detī haiñ jab tanhā.iyāñ ghar kī
dar-o-dīvār par shakleñ banā kar dekh letā huuñ