Tags-Ghar

majbūrī lāchārī ġhurbat
ghar meñ to sāmān bahut haiñ

maiñ ḳhushī meñ ghir ke udaas huuñ
koī aur is kā sabab nahīñ

yādoñ ke sailāb meñ jis dam maiñ ghir jaatā huuñ
dil-dīvār udhar jaane kī ḳhvāhish hotī hai

yaañ se 'bedār' gayā vo mah-e-tābāñ shāyad
nazar aatā hai ye ghar aaj to be-nūr hameñ

jis jis ke paas dosto jis jis kā yaar hai
behtar chaman se ghar meñ isī ke bahār hai

baap beTā judā hue jis din
ghar tabāhī kā phir patā degā

havā-e-jāñ kā taqāzā ki rahiye ghar se duur
ki haiñ jo ghar meñ bayābāñ hazār sar par hai

jo ghar se nikle to ye qayāmat ki chalte chalte qadam qadam par
kisī ko Thokar kisī ko chhakkaḌ kisī ko gaalī nipaT laḌākā

rahīn-e-vus.at-e-dāmāñ hai ishq kī ḳhairāt
saḳhī ke ghar meñ kisī baat kī kamī bhī hai

apne ghar vo chain se hai
ham bhī hañste gaate haiñ

na sanam-kadoñ kī hai justujū na ḳhudā ke ghar kī talāsh hai
mire dil meñ bhar de jo bijliyāñ mujhe us nazar kī talāsh hai

koī hai jis ke dil meñ aaj tak ham ghar na kar paa.e
kisī ko mehrbāñ karne meñ kitnī der lagtī hai

jab vo dīvār girī thī to ye dar kyuuñ rahtā
bas yahī soch ke mismār vo ghar kar aayā

chashm-e-tar le ke jo us ghar se nikal jā.ūñ maiñ
sab badal jaa.e jo manzar se nikal jā.ūñ maiñ

kaho 'dildār' mujh se aur kyā ab chāhiye tum ko
tumhāre shahr ko tahzīb kā ghar de diyā maiñ ne

zarā ye dūsrā misra.a durust farmā.eñ
mire makān pe likkhā hai ghar barā.e-faroḳht

tū milā to thakan jaag uThī
yuuñ lagā jaise ghar mil gayā

aur kis kā ghar kushāda hai kahāñ Thahregī raat
mujh ko hī mehmāñ-navāzī kā sharaf baḳhshegī raat