Tags-Ghar

paañv se lipTī huī chīzoñ kī zanjīreñ thiiñ
aur mujrim kī tarah apne hī ghar meñ ham the

are ulTe zamāne mujh pe kyā sīdhā sitam laayā
nayan mere the pī kā ghar so rū-e-hijr dikhlāyā

laxman-rekhā bhī āḳhir kyā kar legī
saare rāvan ghar ke andar nikleñge

badan se rishta-e-jāñ mo'tabar na thā merā
maiñ jis meñ rahtā thā shāyad vo ghar na thā merā

vahī to ban gayā baa.is girānī-e-jāñ kā
rakhā thā ghar meñ kahīñ par jo ḳhānumāñ sā kuchh

zarā ghar se bāhar nikal maan kahnā
na hogā koī mubtalā baiThe baiThe

ye shahr kyā hai nikaltā nahīñ koī ghar se
ka.ī dinoñ se tamāsha lagā.e baiThā huuñ

zarā lau aur dil kī tez kar siilā sā ye sho.ala
na raushan kar sakā ghar ko na mahfil hī ke kaam aayā

chāñd takne kī tamannā le ke vāpas aa gayā
dūsroñ ke ghar ko apnī chhat se uupar dekh kar

añdherī raat hai is tund-ḳhū se mat kahnā
vo raushnī ke liye apnā ghar jalā degā

ham to lete haiñ mazā ghar meñ hī vīrānī kā
nāz-bardārī kare kaun bhalā sahrā kī

kaun o makāñ se hai dil-e-vahshī kanāra-gīr
is ḳhānumāñ-ḳharāb ne DhūñDā hai ghar kahāñ

ye dil hai merā so is kī gunjāniyat ke haiñ muḳhtasar kavā.if
tamām bastī tirā hī ghar hai tirī galī hai bahut bhalī hai

ab to aaseb hai mire ghar meñ
qabl is ke makān meñ kyā thā

ye tamannā thī ki ham itne suḳhnavar hote
ik ġhazal kahte to ābād ka.ī ghar hote

ghar banā baiThe bayābāñ meñ divāne varna
paañv uTh jaate to jibrīl kā shahpar hote

aañkh se nikle pa aañsū kā ḳhudā hāfiz 'yaqīñ'
ghar se jo bāhar gayā laḌkā so abtar ho gayā

muhāl hai ki mire ghar vo raat ko aa.e
ki shab ko mehr-e-daraḳhshāñ nazar nahīñ aatā

muhāl hai ki jahannam meñ ḳhuld se jaa.eñ
jo dar par aap ke jaatā hai ghar nahīñ aatā

ab apne ghar kā bhī ahvāl lab par lā nahīñ sakte
kiyā karte the ham ahvāl-e-ālam kā bayāñ kyā kyā