English
Favourite
Favourite
UrduShayarUrduShayar
Expand menu
Sign inAccount

Tags-Ghar

abhī hai raat baaqī vahshatoñ kī
abhī jāoge ghar to Dar lagegā
Ghazal
 kabhi pyara koi manzar lagega
dar o dīvār ke badleñge chehre
ḳhud apnā ghar parāyā ghar lagegā
Ghazal
 kabhi pyara koi manzar lagega
zamīn paañv tale hai na āsmāñ sar par
paḌe haiñ ghar meñ ka.ī log be-gharoñ kī tarah
Sher
 zamin panw tale hai na aasman sar par
thakā haarā nikal kar ghar se apne
vo piir office meñ sone jā chukā hai
Sher
 thaka haara nikal kar ghar se apne
maiñ to chiḌiyā ko hī bulbul kī jagah likkhūñgā
ki mire ghar meñ to din-rāt yahī boltī hai
Ghazal
 phul chiKH uThte hain patton pe nami bolti hai
kursī mez kitābeñ? bistar anjāne se takte haiñ
der se apne ghar jaa.eñ to sab kuchh yūñhī lagtā hai
Sher
 kursi mez kitaben? bistar anjaane se takte hain
maiñ sar-e-dasht-e-jāñ thā āvāra
aur ghar meñ bahār aa.ī thī
Ghazal
 wo jo diwar-e-ashnai thi
nikalne ko hai vo mahtāb ghar se
sitāroñ se kaho nazreñ jhukā leñ
Ghazal
 kabhi to mehrban ho kar bula len
us iiñT ko bhuul jaanā chāhiye
jis ke nīche hamāre ghar kī chābī hai
Nazm
 hamein bhul jaana chahiye
har chiiz jal ga.ī thī ba-juz chashm-e-intizār
auroñ ke ghar bujhā ke jo maiñ apne ghar gayā
Ghazal
 har ek zarra bar-e-amanat se Dar gaya
is tarah dil se nikālā mujhe tū ne jaise
apne hī ghar pe kisī ġhair ko qabza de de
Ghazal
 dene wale tujhe dena hai to itna de de
junūñ ko terī zarūrat kā kyuuñ huā ehsās
safar-guzār ko ghar kā ḳhayāl kyuuñ aayā
Ghazal
 junun-nawaz safar ka KHayal kyun aaya
yahāñ to aur bhī rahte haiñ ahl-e-dard 'shafaq'
tumheñ paḌos ke ghar kā ḳhayāl kyuuñ aayā
Ghazal
 junun-nawaz safar ka KHayal kyun aaya
ghar ke bāhar thī car daftar kī
ghar ke andar kā haal merā thā
Ghazal
 KHamushi se sawal mera tha
na ghar hai koī na sāmān kuchh rahā baaqī
nahīñ hai koī bhī duniyā meñ silsila baaqī
Ghazal
 na ghar hai koi na saman kuchh raha baqi
raat bhar pāgal havā se
ghar ke darvāze laḌe haiñ
Ghazal
 sham se zid par aDe hain
koī be-jāñ koī be-ghar nahīñ dekhā jaatā
roz tarrāra-e-mahshar nahīñ dekhā jaatā
Ghazal
 koi be-jaan koi be-ghar nahin dekha jata
dil hī dil meñ yaañ mohabbat apnā ghar kartī rahī
ham rahe ġhāfil vo sau TukḌe jigar kartī rahī
Sher
 dil hi dil mein yan mohabbat apna ghar karti rahi
vo bhī din thā ki tire aane kā paiġhām aayā
tab mire ghar meñ qadam bād-e-sabā ne rakkhā
Sher
 wo bhi din tha ki tere aane ka paigham aaya
hamāre ghar kī hī qismat buland thī shāyad
vagarna aap kahāñ aur hamārā baab kahāñ
Ghazal
 tumhaare samne Thahrega mahtab kahan
Top Urdushayar.com