Tags-Ghar

kaash mujh ko hisār meñ le le
mere ghar kī chahār-dīvārī

ibtidā hai tīsre faaqe kī ghar meñ kuchh nahīñ
soch kar kuchh ghar kī jānib chal paḌā mard-e-hazīñ

palaT kar ashk sū-e-chashm-e-tar aatā nahīñ hai
ye vo bhaTkā musāfir hai jo ghar aatā nahīñ hai

sach ye hai ki ghar se tire jannat nahīñ achchhī
hūroñ kī tire sāmne sūrat nahīñ achchhī

tanhā.ī meñ aa jaatī haiñ hūreñ mire ghar meñ
chamkāte haiñ masjid ke dar-o-bām farishte

milā de ḳhaak meñ ai charḳh is ujḌe hue ghar ko
ki apnī ruuh tak bechain hai ab ḳhāna-e-tan meñ

kaun is ghar kī dekh-bhāl kare
roz ik chiiz TuuT jaatī hai

raat bezār sā ghar se jo maiñ tanhā niklā
chāñd bhī jaise mere ġham kā shanāsā niklā

duur se aa.ī galī meñ kahīñ qadmoñ kī sadā
apnā ghar chhoḌ ke mujh sā koī tanhā niklā

sāmne ghar ke tire koī khaḌā thā jaise
vahm apnā tirī dīvār kā saayā niklā

tū ne ghar yuuñ to bulandī pe banāyā hai 'figār'
tū magar niiñd meñ chaltā hai ḳhudā ḳhair kare

haa.e us shaḳhs pe kyā jāniye kyā guzrī thī
bātoñ bātoñ meñ tire ghar se uThā āhista

biThā ke dil meñ girāyā gayā nazar se mujhe
dikhāyā turfa-tamāsha balā ke ghar se mujhe

dushman ke ghar se chal ke dikhā do judā judā
ye bāñkpan kī chaal ye nāz-o-adā kī hai

achchhā sā suiT jism par apne sajā ke vo
ḳhush hai ki jaise ghar kī bhī hālat badal ga.ī

mire ghar kī ūñchī muñDer pe vo jo kaalī billī thī ghūmtī
vahī aa ke chupke se raat meñ mirī fāḳhta ko nigal ga.ī

vahshat-kade se rahmat-e-haq ne bhī kī gurez
badle hamāre ghar se barastī chalī ga.ī

har ek haath meñ patthar dikhā.ī detā hai
ye zaḳhm ghar se nikal kar dikhā.ī detā hai

girā na mujh ko mire ḳhvāb kī bulandī se
yahāñ se mujh ko mirā ghar dikhā.ī detā hai

sunā hai aaj bastī se musāfir ban ke guzroge
agar niklo idhar se to maiñ apnā ghar sajā luuñ kyā