Tags-Ghar

ghar meñ jismoñ kī aañch baaqī hai
aaj ujḌā hai āshiyāñ shāyad

mujh se milnā to tujhe mushkil thā ai matlab ke yaar
ab mire ghar kā pata ma.alūm kaise ho gayā

mire saa.e meñ bhī mujh ko nahīñ rahne degā
mere hī ghar meñ rakhegā koī be-ghar mujh ko

chamakte chāñd se chehroñ ke manzar se nikal aa.e
ḳhudā hāfiz kahā bosa liyā ghar se nikal aa.e

chaleñ go ki saikḌoñ āñdhiyāñ jaleñ garche laakh ghar ai falak
bhaḌak uTThe 'ātish'-e-tūr phir koī is tarah kī davā nahīñ

yuuñ ho ki ghar banā.eñ dīvāreñ
raat hote hī ghar gayā hotā

vo aane kā nahīñ ab ghar se bāhar
tum us qātil ko kam pahchānte ho

hai aur kaun mire ghar meñ ye savāl na kar
mirā javāb tirā rañg-e-ruḳh uḌā degā

dil meñ 'nāsik' rah ga.ī haiñ aarzū kī do laveñ
ek ḳhush aadat sī laḌkī aur ik chhoTā sā ghar

ek be-samt bagūlā thā vo 'nusrat' jis ne
shakl insān kī dhārī mire ghar tak pahuñchā

patthar tamām shahr sitamgar ke ho ga.e
jitne the aa.ine vo mire ghar ke ho ga.e

girī thiiñ ghar kī dīvāreñ to sehn-e-dil meñ ham ko
gharauñde kā koī naqsha banānā chāhiye thā

laakh ko le ke chaleñ ġhair baḌī shaan ke saath
ghar se le jā ke ye chaurāhe pe dhar dī jaa.e

sab uTThe bazm se aur apne apne ghar ko chale
va-lek ye nahīñ ma.alūm ham kidhar ko chale

dar-e-ġhair par bhiik māñgo na fan kī
jab apne hī ghar meñ ḳhazāne bahut haiñ

parvā nahīñ hai tum ko to hai tum pe kyuuñ mareñ
dūbhar na zindagī hai na ghar se sivā haiñ ham

ab to hai kunj-e-qafas ghar par kabhī
bulbulo the ham bhī gulzāroñ ke biich

ghar meñ bhī bas yūñhī huuñ
apnoñ meñ ik begānī

tire liye to munāsib abhī hai dar-badarī
ki badle badle se tevar haiñ aaj ghar ke na jā