Tags-Ghar

us raste par jaate dekhā koī nahīñ hai
ghar hai ik aur us meñ rahtā koī nahīñ hai

zamīn itnī nahīñ hai ki paañv rakh paa.eñ
dil-e-ḳharāb kī zid hai ki ghar banāyā jaa.e

jā ke tū dil meñ dar aa.egā mere ghar aa.egā
hai judā.ī ghaḌī do ghaḌī kuchh nahīñ kuchh nahīñ

tū apne ghar kī taraf moḌ le gayā hai jise
zamīñ se pūchh ki ye rāsta hamārā bhī thā

us bazm se uTh kar to qadam hī nahīñ uThtā
ghar sub.h ko pahuñche haiñ kahīñ shaam ke uTThe

mire ghar is havā meñ sāqī-o-mutrib agar hote
to kaise mai-kashī kartā ahāhāhā ahāhāhā

ham ko khīñche liye jaate haiñ sarāboñ ke bhañvar
jaane kis vaqt meñ ham log chale the ghar se

chār-sū kūcha-o-bāzār meñ mahshar hai bapā
ḳhauf se log nikalte nahīñ apne ghar se

kal raat nihattā koī detā thā sadā.eñ
ham ghar se magar ḳhauf ke maare nahīñ nikle

kyā chhoḌ ke bastī ko gayā tū ki tire ba.ad
phir ghar se tire hijr ke maare nahīñ nikle

miT ke mere ghar kī raunaq ālam-e-ibrat banī
dasht bhī vīrāñ hai lekin naf-e-vīrānī kahāñ

aa.e haiñ 'mīr' kāfir ho kar ḳhudā ke ghar meñ
peshānī par hai qashqa zunnār hai kamar meñ

ham-sāya-e-muġhāñ meñ muddat se huuñ chunāñche
ik shīra-ḳhāne kī hai dīvār mere ghar meñ

ruuh betāb hai chehroñ kā ta.assur paḌh kar
yaanī be-ghar huā maiñ shahr meñ ik ghar le kar

jise banāte sajāte haiñ jis meñ rahte haiñ
savere aañkh khule to vo ghar nahīñ rahtā

ik sham.a kī sūrat meñ manzūr kiyā jā.ūñ
ik ghar kī hifāzat par māmūr kiyā jā.ūñ

'nasīm' gaañv kī masjid meñ raat kāTegā
ik ajnabī sā musāfir hai kis ke ghar jaa.e

is maiñ sab rāz-e-nihāñ ho jā.eñge ham par ayaañ
phir use ik baar ghar apne bulānā chāhiye

sasurāl thā ab merā nayā ghar ghar jaisā nahīñ thā yahāñ kuchh par
maañ baap bhaa.ī nahīñ the idhar the to bas saas sasur devar

shāyad mire firāq meñ ghar se chalā thā vo
zaḳhmoñ se pā.emāl thā vāpas na aa sakā