Tags-Ghar

ba.ad muddat ke ḳhud ko yaad aayā
ba.ad muddat ke ghar gayā huuñ maiñ

mujhe ma.alūm hai ġhurbat abhī banñe nahīñ degī
banā kar roz lekin ghar kā naqsha dekhtā huuñ maiñ

aañsū apnī chashm-e-tar se nikleñ to
tāza-dam ho jaa.eñ ghar se nikleñ to

nā-mumkin hai vāpas lauTeñ ḳhālī haath
chāñd pakaḌne lekin ghar se nikleñ to

tirī galī meñ jo aa.e vo ghar nahīñ jaate
jo tere dar pe haiñ vo dar-ba-dar nahīñ jaate

chīḳh uThtī huī har ghar se nazar aatī hai
har makāñ shahr kā āseb-zada lagtā hai

phir aa ke bas ga.e haiñ barābar ke ghar meñ log
ab phir 'amīr' maiñ ye makāñ chhoḌ jā.ūñgā

hālāt ke kohna dar-o-dīvār se nikleñ
duniyā ko badalnā hai to ghar-bār se nikleñ

jo maiñ ne intizār-e-yār khīñchā
mirā ghar ban ga.ī duniyā simaT ke

dil meñ liye auhām ko is ghar se uThā maiñ
ḳhālī kahāñ but-ḳhāna-e-āzar se uThā maiñ

koī kisī ke dostī-bhare safed ghar meñ be-fikr
koī kisī ke duāoñ kā muntazir

qarya-qarya jitnā āvāra phire
ghar meñ rah lete to duniyā dekhte

kaisī āshuftagī-e-sar hai yahāñ
raas sahrā yahāñ na ghar hai yahāñ

jo sach pūchho to ghar kī saarī raunaq us ke dam se hai
vo jān-e-jāñ na ho ghar meñ to ghar achchhā nahīñ lagtā

chahchahātī chand chiḌiyoñ kā basar thā peḌ par
mere ghar ik peḌ thā aur ek ghar thā peḌ par

har ghaḌī us ke ghar kā darvāza
merī ḳhātir khulā hī rahtā thā

use bhī nāz-e-ġhalat-karda-e-taġhāful thā
ki ḳhvāb o ḳhema-faroshī ko ghar kahā us ne

reg-zāroñ meñ hai logoñ ko Thikānoñ kī talāsh
muntazir apne makīnoñ ke haiñ ghar muddat se

chale na jaa.e vo ghar ko usī bahāne se
sunā do mere janāze ko izn-e-ām nahīñ

jis ke ghar aave vo 'hātim' naaz se rakhtā qadam
uTh khaḌā ho kar kare is aan sāhib-ḳhāna raqs