Tags-Ghar

us ke ghar par bhī vahī shahr-e-ḳhamoshāñ kā samāñ
koī aahaT na sadā chaliye yahāñ se chaliye

aaj bhī kal kī tarah der se ghar aa.egā vo
phir bahāne vahī dohrā.egā yuuñ hai yuuñ hai

aañkh khul jaa.e to ghar mātam-kada ban jā.egā
chal rahī hai saañs jab tak chal rahā huuñ niiñd meñ

ghar meñ chāñdī ke koī sone ke dar rakh jā.egā
vo mire chashme meñ jab apnī nazar rakh jā.egā

terī fankārī kā duniyā ḳhud karegī e'tirāf
sañg-rezoñ par tū jab shīshe ke ghar rakh jā.egā

maiñ kisī aur hī aalam kā makīñ huuñ pyāre
mere jañgal kī tarah ghar bhī hai sunsān mirā

tamām rishtoñ ko maiñ ghar pe chhoḌ aayā thā
phir us ke ba.ad mujhe koī ajnabī na milā

'muztar' vajūd-e-zāt ne ghar tak bhī le liyā
jab ḳhud vo har jagah hai to ab maiñ kahāñ rahūñ

ajnabī shahr meñ ulfat kī nazar ko tarse
shaam Dhal jaa.e to rah-gīr bhī ghar ko tarse

chāroñ taraf haiñ shole ham-sā.e jal rahe haiñ
maiñ ghar meñ baiThā baiThā bas haath mal rahā huuñ

mere dhueñ se merī har saañs ghuT rahī hai
maiñ raah kā diyā huuñ aur ghar meñ jal rahā huuñ

is faisle se ḳhush haiñ afrād ghar ke saare
apnī ḳhushī se kab maiñ ghar se nikal rahā huuñ

rāste ghar tamām patthar ke
har taraf tām-jhām patthar ke

is galī meñ ek laḌkā aaj bhī
ghūmtā rahtā hai ghar ke ās-pās

ajiib shahr hai ghar bhī haiñ rāstoñ kī tarah
kise nasīb hai rātoñ ko chhup ke ronā bhī

ḳhud us se kahā ghar aane ko aur us ke binā mar jaane ko
aur ab jo vo kuchh āvāra huā jī rah rah kar ghabrātā hai

ban jā.egā allāh kā ghar ḳhud hī kisī din
filhāl 'fanā' dil ko sanam-ḳhāna kaheñge

na DhūñDh 'nāsir'-e-āshufta-hāl ko ghar meñ
vo bū-e-gul kī tarah be-qarār apnā hai

tum ne Thahrā.ī agar ġhair ke ghar jaane kī
to irāde yahāñ kuchh aur Thahar jā.eñge

ghar meñ rahiye to sivā hotī hai vahshat 'fāḳhir'
chīḳhne lagtī hai tanhā.ī meñ ḳhāmoshī bhī