Tags-Ghar

dard ko phir hai mire dil kī talāsh
ḳhāna-barbād ko ghar yaad aayā

koī lauTā nahīñ ghar se nikal kar
magar ye sochtā koī nahīñ hai

ghar apnā kartī hai nā-umīdī hamāre dil meñ ġhazab hai dekhiyo
ye vo makāñ hai ki jis meñ barsoñ umīdoñ kā jamghaTā rahā hai

bolī ye tamannā jo ruke vo dar-e-dil par
ghar aap kā hai aap se pardā nahīñ hotā

sahrā se qadam ghar kī taraf ḳhaak uThā.ūñ
kāñTe se judā paañv kā chhālā nahīñ hotā

ghar-ba-ghar tū paḌā phire hai to
aah kyuuñ mere ghar nahīñ aatā

mire aabā ke ghar ko bech kar mujh se vo kahtā hai
vahīñ kamra paḌā hai aur vahīñ dālān rakkhā hai

jab use na aanā thā phir ye kis tavaqqo.a par
ham ne ghar kā darvāza rāt-bhar khulā rakkhā

ghar jalā letā hai ḳhud apne hī anvār se tū
kaaT detā hai zamīñ sāya-e-dīvār se tū

kabhī to aa ki ho raushan charāġh-e-shām-e-visāl
mirā bhī ghar nazar aa.e kabhī to ghar kī tarah

maiñ ghar ke kone meñ baiThā
shor sun rahā huuñ shahroñ kā

maiñ ghar ke kone meñ baiThā
shor sun rahā huuñ mamtā kā

ye din jo puurā vast se hai mire ghar ke sehn meñ
is kī sahar hai dar ke paas shaam hai baam ke qarīb

he īshvar tere chaukhaT par to sabhī barābar haiñ
mandir meñ baiThā tū isī mūrtī-car ke ghar se jaatā hai

us kā suḳhan bhī jā se hai aur vo ye ki 'jaun' tum
shohra-e-shahar ho to kyā shahr meñ ghar liye baġhair

us purāne ghar kī vo dīvār ab ke gir ga.ī
haañ vahī dīvār jis par ab talak likkhā thā maiñ

vo mire TuuTe hue kirchoñ ko kab tak joḌtā
thoḌā thoḌā kar ke saare ghar meñ hī bikhrā thā maiñ

na toḌo dil ki hai ka.aba kā Dhānā
ye do ghar haiñ magar buniyād hai ek

ho rahe haiñ fail ham do saal se
ghar meñ jā kar apnā muñh dikhlā.eñ kyā

terī tanvīr salāmat magar ai mahr-e-mubīñ
ghar kī dīvār pe yuuñ kis ne sajāyā hai tujhe