Tags-Ghar

tasvīr se bāhar aa.e kuchh der
ghar bhar ko udaas kar ga.e ham

ai shām-e-hijr-e-yār mirī tū gavāhī de
maiñ tere saath saath rahā ghar nahīñ gayā

āh-e-rasā ḳhudā ke liye dekh-bhāl ke
un kā bhī ghar milā huā dushman ke ghar se hai

koī yahāñ se chal diyā raunaq-e-bām-o-dar nahīñ
dekh rahā huuñ ghar ko maiñ ghar hai magar vo ghar nahīñ

mujh se bigaḌ kar apne ghar jā.iye ḳhair jā.iye
aap ne ye samajh liyā aah meñ kuchh asar nahīñ

dair ko ham ghaTā.eñ kyuuñ kaabe ko ham baḌhā.eñ kyuuñ
kyā hai ḳhudā kā ghar yahī kyā vo ḳhudā kā ghar nahīñ

ek phañsī hī zulfoñ meñ ik chāh-e-zaqan haiñ Duubī hai
diida o dil meñ phuuT paḌī hai ghar ko Dubā.e dete haiñ

kaun hai jo ki sarāboñ se ulajhnā chāhe
kaun hai jo ki mire ghar kā pata māñge hai

ghar mirā jal gayā lekin ye tasallī hai mujhe
aag jo de ke ga.e aag bujhāne aa.e

ye kyā sabab jo idhar chāñdnī nahīñ aatī
ḳhudā ne chāñd banāyā hai sab ke ghar ke liye

kaise kaise makīn the us ke
itnā vīrāñ kahāñ thā ghar merā

pūchh lenā dar-o-dīvār kā haal
ai bagūlo jo mire ghar jaanā

ghar ko jaane kā rāsta nahīñ thā
varna karne ko kyā se kyā nahīñ thā

ghar-bhar sotā hai ek betāb
aaheñ bhar kar taḌap rahā hai

jaltī bujhtī raushnī kā khel bachchoñ ko dikhā.eñ
sham.a rakkheñ haath meñ ghar meñ havā raushan kareñ

ek aaseb hai har ik ghar meñ
ek hī chehra dar-ba-dar chamke

aaj bhī sūraj ke bujhte hī halkī gahrī shaam huī
aaj bhī ham ne tanhā ghar meñ añgāre dahkā.e haiñ

shikva ham tujh se bhalā tez havā kyā karte
ghar to apne hī charāġhoñ se jalā kyā karte

ḳhud apne shahr hī meñ huuñ musāfir
maiñ ghar kā rāsta bhūlā huā huuñ

is meñ ai ahl-e-vatan raa.e tumhārī kyā hai
kahtī hai vahshat-e-dil ghar se nikal jaane ko