Tags-Ghar

kisī jalse meñ jo 'īmān' kaho to jāneñ
ghar meñ yuuñ baiThe hue sher banā lījiyegā

aate hī is ḳhayāl ke ghar-bār bech kar
saaqī ke paas pahle gayā iztirāb meñ

vo ek banjar zamīn ghar kī jo sun rahī thī sabhī ke ta.ane
ḳhushā ki is baar is zamīñ ko bhī de gayā ik gulāb mausam

ubharte Dūbte rishtoñ kī dhuup chhāñv meñ
ik ajnabī kī tarah maiñ bhī apne ghar meñ thā

le uḌā un ko shauq ġhair ke ghar
ham tajassus meñ naqsh-e-pā ke rahe

ghar meñ rakhtā huuñ agar shor machātī hai bahut
merī tanhā.ī ko bāzār kī bīmārī hai

satāne ko bāhar balā.eñ ka.ī
Darāne ko aaseb ghar meñ bahut

bāhar rah yā ghar meñ rah
mere dil-banjar meñ rah

lahr ḳhud par hai pashemān ki us kī zad meñ
nanhe hāthoñ se banā ret kā ghar aa gayā hai

merī nīndeñ harām kyā hoñgī
ghar meñ rizq-e-halāl aatā hai

ghar se ghar tak kā rāsta na milā
koī bhī ḳhud meñ jhāñktā na milā

aaj hamāre ghar aayā lo kyā hai jo tujh pe nisār kareñ
illā khīñch baġhal meñ tujh ko der talak ham pyaar kareñ

dil ko apne kyā kisī kā ghar kahūñ
aaj ḳhalvat-ḳhāna kal bāzār hai

ghar muzayyan hai to phir sahn bhī ḳhālī kyuuñ ho
kyuuñ nahīñ apne meñ ahbāb se miltā-jultā

sāhab-zāda pichhlī raat se ġhā.eb hai
ghar ke andar rishte vaale baiThe haiñ

jis galī meñ ghar tumhārā hai karo us kā ḳhayāl
ham to haiñ badnām apne halqa-e-ahbāb meñ

zideñ mohabbat se aisī aa.iiñ ḳhayāl rakkhā na apne ghar kā
butoñ ne ka.abe ko muft Dhāyā kisī ke dil ko dukhā dukhā kar

sab ne mujh hī ko dar-ba-dar dekhā
be-gharī ne mirā hī ghar dekhā

raakh is ghar meñ vo uḌtī hai ki jaise 'hashamī'
taaq meñ sham.a na thī sahn meñ mahtāb na the

sayyād terā ghar mujhe jannat sahī magar
jannat se bhī sivā mujhe rāhat chaman meñ thī