Collections

Lab Shayari

Motivational Ghazals

Best Khamoshi Shayari

More Collections

Tags-Ghar

ujaḌ ke ghar se sar-e-rāh aa ke baiThe haiñ
ham apnī zid meñ sabhī kuchh gañvā ke baiThe haiñ

ujaD ke ghar se sar-e-rah aa ke baiThe hain

parde vaale bhī kahīñ aate haiñ ghar se bāhar
ab jo aa baiThe ho tum dil meñ to baiThe rahnā

parde wale bhi kahin aate hain ghar se bahar

jaage the hamāre baḳht-e-ḳhufta
pahuñchā thā baham vo apne ghar raat

palkon pe the para-e-jigar raat

ghar hī be-gharī ye kab tak
koī na.ī dīvār nayā dar

raaton ki sunsan saDak par

ka.abe meñ un kā nuur madīne meñ hai zuhūr
ābād donoñ ghar haiñ ḳhudā ke habīb se

phul apne wasf sunte hain us KHush-nasib se

milte ho sab ke jā ke ghar aur ham suuñ ho kanār
kuchh ham to un chakoroñ se ai maah kam nahīñ

jagir agar bahut na mili hum kun gham nahin

kyuuñ jāda-e-vafā par mish.al-ba-kaf khaḌe ho
is sail-e-tīrgī meñ niklegā kaun ghar se

is KHak-dan mein ab tak baqi hain kuchh sharar se

maiñ ne kahā thā mujh ko añdhere kā ḳhauf hai
us ne ye sun ke aaj mirā ghar jalā diyā

maine kaha tha mujhko andhere ka KHauf hai

bāloñ meñ bal hai aañkh meñ surma hai muñh meñ paan
ghar se nikal ke paañv nikāle nikal chale

baalon mein bal hai aankh mein surma hai munh mein pan

tishnagī laakh sahī ghar se na niklo 'rāshid'
raat siine meñ utar jā.egī sahrā ban kar

dil ke jalte hue zaKHmon ka mudawa ban kar

payambaroñ se zamīneñ vafā nahīñ kartīñ
ham aise kaun ḳhudā the ki apne ghar rahte

payambaron se zaminen wafa nahin kartin

ḳhayāl aatā hai rah rah ke lauT jaane kā
safar se pahle hameñ apne ghar jalāne the

hawaen tez thin ye to faqat bahane the

banānā ret ke ghar tum ko yaad to hogā
phir in gharoñ meñ mohabbat kī sīpiyāñ rakhnā

zamin pe rah ke kahan fikr-e-asman rakhna

be-shajar shahr meñ ghar us kā kahāñ tak DhūñDeñ
vo jo kahtā thā ki āñgan meñ sanobar hogā

koi chehra na sada koi na paikar hoga

mire ghar misl tabarruk ke ye sāmāñ niklā
āstīñ qais kī farhād kā dāmāñ niklā

mere ghar misl tabarruk ke ye saman nikla

ek maiñ to huuñ muntashir ghar meñ
varna har chiiz hai qarīne se

maut behtar hai aise jine se

ghar kī dīvāroñ ko ham ne aur ūñchā kar liyā
shor-e-sad-e-mahshar sunā aur ḳhud ko bahrā kar liyā

ghar ki diwaron ko humne aur uncha kar liya

qadmoñ meñ bhī takān thī ghar bhī qarīb thā
par kyā kareñ ki ab ke safar hī ajiib thā

qadmon mein bhi takan thi ghar bhi qarib tha

ḳhvāb pahle le gayā phir rat-jagā bhī le gayā
jaate jaate vo mire ghar kā diyā bhī le gayā

KHwab pahle le gaya phir rat-jaga bhi le gaya

ḳhvāhish-e-dīvār-o-dar hai apnā ghar hote hue
be-samar haiñ apnī shāḳhoñ par samar hote hue

KHwahish-e-diwar-o-dar hai apna ghar hote hue