Tags-Ghar

aaj shab bhī vo baḌī der se
ghar lauTā hai

diye jalā.e ummīdoñ ne dil ke gird bahut
kisī taraf se na is ghar meñ raushnī aa.ī

tāk-jhāñk us kī kahūñ kyā maiñ ki tiflī meñ bhī thiiñ
us ke hāthoñ ghar kī dīvāroñ meñ har sū jāliyāñ

jalā ke mish.al-e-jāñ ham junūñ-sifāt chale
jo ghar ko aag lagā.e hamāre saath chale

vo chāñd jo utrā hai kisī aur ke ghar meñ
mujh ko to añdheroñ se rihā.ī nahīñ degā

dukh siine meñ kis tāqat-e-īzā ne bhare haiñ
ghar saikaḌoñ ḳhālī hue vīrāne bhare haiñ

sachchā.iyoñ ko bar-sar-e-paikār chhoḌ kar
ham aa ga.e haiñ dasht meñ ghar-bār chhoḌ kar

kisī miskīn kā ghar khultā hai
yā koī zaḳhm-e-nazar khultā hai

daav par dair-o-haram donoñ haiñ
dekhiye kaun sā ghar khultā hai

ḳhauf aatā hai apne hī ghar se
māh-e-shab-tāb ke nikalte hī

lo phir hamārī eid aa ga.ī hai
har ek ḳhush hai ghar ghar ḳhushī hai

tujh se matlab hai nahīñ duniyā o uqbā se ġharaz
tū nahīñ jab to ujaḌ jaa.eñ ye ghar donoñ saath

dil kī taraf 'shakīl' tavajjoh zarūr ho
ye ghar ujaḌ gayā to basāyā na jā.egā

mere vīrān darīchoñ meñ bhī ḳhushbū jaage
vo mire ghar ke dar-o-bām sajāne aa.e

jañg maidān se kamroñ meñ simaT aa.ī hai
ghar na jaanā kabhī be-ḳhauf-o-ḳhatar auroñ ke

khultī haiñ āsmāñ meñ samundar kī khiḌkiyāñ
be-dīn rāstoñ pe kahīñ apnā ghar to hai

aap kyā aa.e ki raushan sab añdhere ho ga.e
is qadar ghar meñ kabhī bhī raushnī dekhī na thī

har ik phuul gulshan meñ ye kah rahā hai har ik jām-e-mai se ye ham sun rahe haiñ
zamāne kī nazroñ meñ ghar hai usī kā jo hañs hañs ke din zindagī ke guzāre

zaḳhm-ḳhurda dar o dīvār kī hālat hai ajab
sirf aahaT se mire ghar kā badan dukhtā hai

ghar ke āñgan se parinde bhī pare rahte haiñ
jab se rahtā hai koī dost ḳhafā mere saath