Tags-Ghar

apnoñ meñ maiñ hī ġhair huuñ ġhairoñ se kyā gila 'zafar'
apne hī ghar meñ huuñ magar ġhairoñ ke darmiyāñ huuñ maiñ

vo mire ghar rahe mehmān baḌī mushkil se
raat nikle mire armān baḌī mushkil se

kahīñ pe aaj bhī vo ghar hai hañstā bastā huā
ye vahm sā hai tire dil ko yā gumāñ koī hai

har ghar ke makīnoñ ne hī dar khole hue the
sāmān bañdhā rakkhā thā par khole hue the

us ne chāhā thā ki chhup jaa.e vo apne andar
us kī qismat ki kisī aur kā vo ghar niklā

ab ye aalam hai ki jas kamre meñ bhī Daalo nazar
ghar ke har kone meñ haiñ bikhre ho.e laḳht-e-jigar

mere ghar meñ to bahut pahle hī se bhar-mār hai
aur tū duniyā meñ aane kai liye tayyār hai

mere ghar meñ chhā rahī thī shām-e-ġham kī tīrgī
jab ujālā ho rahā thā jalva-gāh-e-nāz meñ

na ho Thikāna koī jis kā tere ghar ke sivā
vo uTh ke jaa.e kahāñ terī rahguzar ke sivā

aise ghar meñ rah rahā huuñ dekh le be-shak koī
jis ke darvāze kī qismat meñ nahīñ dastak koī

kyā ḳhabar hai vo chale aa.eñ sajā luuñ ghar ko
mauj-e-gul aane lagī aaj to sarsar ke evaz

is ghar meñ mire saath basar kar ke to dekho
TuuTī huī kashtī meñ safar kar ke to dekho

josh-e-vahshat meñ thī us kī justujū donoñ taraf
ik qadam merā thā ghar meñ ek vīrāne meñ thā

vahm o ḳhirad ke maare haiñ shāyad sab log
dekh rahā huuñ shīshe ke ghar chāroñ or

dil bhī ajiib ḳhāna-e-vahdat-pasand thā
is ghar meñ yā to tū rahā yā be-dilī rahī

na chaaT jaa.e kaḌī dhuup surḳhiyāñ lab kī
shajar kī chhāñv kisī ghar kā sā.ebāñ dekho

nahīñ hai tum meñ salīqa jo ghar banāne kā
to 'ashk' jaao parindoñ ke āshiyāñ dekho

kal tak kitne hañgāme the ab kitnī ḳhāmoshī hai
pahle duniyā thī ghar meñ ab duniyā se rū-poshī hai

ghar se ab bāhar nikalne meñ bhī ghabrāte haiñ ham
sañg-bārī ho kahīñ bhī zad meñ aa jaate haiñ ham

dekhte haiñ muskurā kar apne bachchoñ kī taraf
jab thakan kā bojh oḌhe apne ghar aate haiñ ham