Tags-Ghar

dostoñ maiñ andhā huuñ ye ḳhushī bhī kam hai kyā
us ne merī āñkhoñ se ghar meñ raushnī kar lī

dam laboñ par hai yahāñ shauq-e-shahādat merā
ghar meñ vo ḳhanjar-e-burrān liye baiThe haiñ

ghar pahuñchtā hai koī aur hamāre jaisā
ham tire shahr se jaate hue mar jaate haiñ

yuuñ bhī bah jā.egā sab sail-e-balā meñ
apne ghar ke sab dar-o-dīvār Dhā rakh

jab aayā iid kā din ghar meñ bebasī kī tarah
to mere phuul se bachchoñ ne mujh ko gher liyā

hameñ baḌoñ ne yahī kahā thā ki lā hī sach hai so ghar kī chhat par
kisī jamā.at kisī ḳhudā kā alam nahīñ hai to kyā ġhalat hai

ghar ho yā bāhar vahī kaḌvī kasīlī guftugū
kab talak sunte raheñ ham ek jaisī guftugū

ghar kyā baiThā hai dil meñ aaj tak ik ek lafz
kyā musībat ban ga.ī do-chār pal kī guftugū

ghar se nikle ho nihatte vaqt-e-qatl
ye bhī bahr-e-qatl-e-āshiq ghaat hai

mere ghar tak aate hī kyuuñ judā huī tujh se kuchh batā
ek aur aahaT bhī saath saath thī tere, ai sabā

sab khaḌe the āñgan meñ aur mujh ko takte the, baar baar
ghar se jab maiñ niklā thā mujh ko rokne vaalā kaun thā

sahrā jañgal dasht na vīrānā koī
dīvāne kā ghar jaane kaisā hogā

kuchh batātā hī nahīñ guzrī hai kyā pardes meñ
apne ghar ko lauTtā ek qāfila ḳhāmosh hai

jo aaj aa.e ho mere ghar par to hai ye zikr-e-raqīb kaisā
na kījiye 'mashriqī' se sāhab ki haiñ ye sab nāgavār bāteñ

ḳhush haiñ bachche nāshta maujūd hai
ghar meñ khānā raat kā maujūd hai

baat merī tum samajh sakte nahīñ
ghar meñ kyā koī baḌā maujūd hai

ham bhī ghar se 'munīr' tab nikle
baat apnoñ kī jab sahī na ga.ī

sachche sā.īñ hamāre 'hazrat-mehr-alī-shāh'
baabā ham ne ghar nahīñ dekhā bahut dinoñ se

sukūñ nasīb hai par apne ghar kī had tak hai
koī to hai ki jo dīvār-o-dar kī had tak hai

abhī vo chhat pe khaḌe ho ke haath señkte haiñ
abhī ye aag faqat mere ghar kī had tak hai