Collections

Lab Shayari

Motivational Ghazals

Best Khamoshi Shayari

More Collections

Tags-Ghar

ghar meñ hamāre qaid rahā zindagī kā shor
ham be-zabān nazr-e-fuġhāñ ho ga.e to kyā

hum dasht-e-be-karan ki azan ho gae to kya

talāsh-e-rizq meñ jab bhī kabhī ghar se nikaltā huuñ
mire hamrāh paiham gardish-e-hālāt hotī hai

mere din ki tarah raushan meri har raat hoti hai

guzar jā.egī jo guzregī ham par
chalo jī raah lo tum apne ghar kī

ab aae ho sada sun kar gajar ki

tumheñ kyuuñ madd-e-nazar ab hai ḳharābī us kī
tum to kahte the ki ghar hai dil-e-insāñ merā

jag aur dekh zara aalam-e-viran mera

ghar ke bāhar hai koī mujh jaisā
aur jo ghar meñ makīñ hai maiñ huuñ

mujhko itna to yaqin hai main hun

baat to ye hai ki vo ghar se nikaltā bhī nahīñ
aur mujh ko sar-e-bāzār liye phirtā hai

tabish-e-gesu-e-KHamdar liye phirta hai

apne raste meñ baḌe log the raftār-shikan
aur kuchh der meñ nikle zarā ghar se ham bhī

barguzida hain hawaon ke asar se hum bhi

ek miTTī ke ghar meñ jiye umr bhar aur miTTī hue
kul jahāñ yuuñ to 'akbar' hamāre liye par hamārā hai kyā

kahkashan ke tanazur mein hum kya hamara sitara hai kya

kyā pata thā ki jalte ghar ko mire
merā apnā sagā havā degā

wo mujhe aasra to kya dega

agar ye āñdhiyāñ chaltī haiñ mere sar meñ 'qamar'
to kyuuñ maiñ ghar ke darīchoñ ko band rakhtī huuñ

main bil-umum jo honTon ko band rakhti hun

haiñ to ābād magar dar-badarī kī zad par
vo bhī merī hī tarah ghar se nikāle hue haiñ

apni sachchai ka aazar jo pale hue hain

apne hamrāh jo aate ho idhar se pahle
dasht paḌtā hai miyāñ ishq meñ ghar se pahle

apne hamrah jo aate ho idhar se pahle

ik ghar banā ke kitne jhameloñ meñ phañs ga.e
kitnā sukūn be-sar-o-sāmāniyoñ meñ thā

masum KHwahishon ki pashimaniyon mein tha

aur logoñ ke bhī ghar hote haiñ ghar vaale bhī
sirf apne dar o dīvār ke gun gaate ho

jaane kis chah ke kis pyar ke gun gate ho

in āñkhoñ ke andar 'jāzib'
duniyā ghar kā naqsha dekhā

duniya ghume kya kya dekha

mirā ghar to ujaḌ jā.egā lekin
tumhāre ghar ko bhī ḳhatrā bahut hai

jahan-e-dil mein sannaTa bahut hai

maiñ 'zafar' tā-zindagī biktā rahā pardes meñ
apnī ghar-vālī ko ik kañgan dilāne ke liye

main zafar ta-zindagi bikta raha pardes mein

bahut se log the mehmān mere ghar lekin
vo jāntā thā ki hai ehtimām kis ke liye

bahut se log the mehman mere ghar lekin

saje hue bām-o-dar se aage kī sochtā huuñ
maiñ ghar banā kar bhī ghar se aage kī sochtā huuñ

saje hue baam-o-dar se aage ki sochta hun

hamāre ghar ke charāġhoñ kā imtihāñ hī sahī
tum āñdhiyoñ ke musalsal azaab likh denā

wo hairaton ki mukammal kitab likh dena