Tags-Ghar

kyā aa.ī thiiñ hūreñ tire ghar raat ko mehmāñ
kal ḳhvāb meñ ujḌā huā firdaus-e-barīñ thā

chāñd par jaane kā muzhda sun kar
apnā bhūlā huā ghar yaad aayā

maiñ karūñ to kyā ki jame raheñ mire paañv merī zamīn par
mire ghar meñ mujh ko sambhāl yā mujhe mere ghar se nikāl de

us ghar ke tasavvur meñ juuñ hī band kiiñ āñkheñ
sad-shukr ki be-minnat-e-darbān ga.e ham

kal vāqif-e-kār apne se kahtā thā vo ye baat
'jur.at' ke jo ghar raat ko mehmān ga.e ham

bahut sī āñkhoñ meñ tīrgī ghar banā chukī hai
bahut sī āñkhoñ ne intizār-e-sahar kiyā hai

ḳhvāh mahsūr hī kar deñ dar-o-dīvār mujhe
ghar ko banñe nahīñ denā kabhī bāzār mujhe

hamāre naam kī taḳhtī bhī un pe lag na sakī
lahū meñ gūñdh ke miTTī jo ghar banā.e ga.e

aa.e ho ghar se uTh kar mere makāñ ke uupar
kī tum ne mehrbānī be-ḳhānumāñ ke uupar

ghar to aisā kahāñ kā thā lekin
dar-ba-dar haiñ to yaad aatā hai

qadmoñ ko Thaharne kā hunar hī nahīñ aayā
sab manzileñ sar ho ga.iiñ ghar hī nahīñ aayā

ghar khod diyā saarā ḳhazāne kī havas meñ
niiv aa ga.ī tah-ḳhāne kā dar hī nahīñ aayā

aao aaj ham donoñ apnā apnā ghar chun leñ
tum navāh-e-dil le lo ḳhitta-e-badan merā

ajiib hote haiñ ādāb-e-ruḳhsat-e-mahfil
ki vo bhī uTh ke gayā jis kā ghar na thā koī

bahut ābād haiñ ye be-dar-o-dīvār se ghar
mahal aise bhī haiñ jin meñ kamīñ koī nahīñ hai

jhijakte haiñ ishāroñ se bhī dil kī baat karte
ki shīsha-ghar meñ rāzoñ kā amiiñ koī nahīñ hai

ghar se bāhar kabhī niklā kiije
'hashamī' galiyoñ meñ Tahlā kiije

ek ke ghar kī ḳhidmat kī aur ek ke dil se mohabbat kī
donoñ farz nibhā kar us ne saarī umr ibādat kī

pahle to ik makān kī sūrat hī thā faqat
tashrīf aap laa.e to ghar merā ghar huā

baiThā huuñ siyah-baḳht o mukaddar isī ghar meñ
utrā thā mirā māh-e-munavvar isī ghar meñ