Tags-Ghar

goshe goshe meñ kisī ḳhauf kī parchhā.īñ thī
ghar kī har chiiz pe aaseb kā saaya dekhā

ye ab khulā ki koī bhī manzar mirā na thā
maiñ jis meñ rah rahā thā vahī ghar mirā na thā

ghar ghar vabā-e-hirs-o-havas hai to kyā huā
marte haiñ log roz vabā ke baġhair bhī

phuul so.e hue the chhātī par
raat kitnā mahak rahā thā ghar

us kī bālak-haT ke aage ghar chhoḌā bairāg liyā
dekheñ kyā din dikhlātā hai ab ye mūrakh man baabā

tum mire paas raho jism kī garmī baḳhsho
sard hai raat bahut ghar se na bāhar niklo

aaj āvegā yā na āvegā
mere ghar meñ vo dil-rubā qāsid

mere saath sū-e-junūn chal mire zaḳhm khā mirā raqs kar
mere sher paḌh ke milegā kyā patā paḌh ke ghar koī pā sakā?

kashish-e-rañg-e-mohabbat se vo aayā hai yahāñ
ai ḳhudā ab mire ghar se na kabhī jaa.e bahār

ek chullū se bhare ghar kā bhalā kyā hogā
ham ko bhī nahr se pyāsā palaT aanā achchhā

le ke ghar se jo nikalte the junūñ kī mash.al
is zamāne meñ vo sāhab-nazarāñ kaise haiñ

go huuñ muflis par huuñ apnī tīra-baḳhtī se namī
mere ghar meñ daulat-e-sūd-e-charāġh-e-kushta hai

ghar aur bayābāñ meñ koī farq nahīñ hai
lāzim hai magar ishq ke ādāb meñ rahnā

mirā ghar muntazir hai raushnī kā
zamāne meñ saverā ho gayā hai

jis tarah kī haiñ ye dīvāreñ ye dar jaisā bhī hai
sar chhupāne ko mayassar to hai ghar jaisā bhī hai

roz chhup ke taktā hai pyāsī pyāsī nazroñ se
us ke ghar ke aage se dariyā jab guzartā hai

kaun suntā hai vahāñ terī sadā.eñ 'mīnā'
apne ghar shahr-e-ḳhamoshāñ kī tarah vāpas aa

bāhar ye chāhe jaisī ho ghar meñ to adab se aatī hai
jab aadhī raat guzar jaa.e parvīn club se aatī hai

din bhar ye ghar meñ sotī hai saḌkoñ pe shaam se bhāgtī hai
āzād tabī.at aisī hai shādī ke naam se bhāgtī hai

jab us ko nashsha chaḌhtā hai ghar meñ ye ġhazab sī aatī hai
jab aadhī raat guzar jaa.e parvīn club se aatī hai