Tags-Ghar

lailā ghar meñ silā.ī karne lagī
qais dillī meñ kaam karne lagā

tanhā.ī se sahrā se na dariyā ke bhañvar se
vahshat mujhe hotī hai mire apne hī ghar se

Dhañg ke ek Thikāne ke liye
ghar-kā-ghar naql-e-makānī meñ rahā

na pūchho kaise huiiñ Dher ghar kī dīvāreñ
vo ik sadā usī malbe meñ ghūmtī hai abhī

ham to parā.e the is ghar meñ
ham se kaun ḳhafā hotā thā

sab ke hote hue lagtā hai ki ghar ḳhālī hai
ye takalluf hai ki jazbāt kī pāmālī hai

jis kī āñkhoñ meñ sharārat thī vo mahbūba thī
ye jo majbūr sī aurat hai ye ghar vaalī hai

gāliyāñ tanḳhvāh Thahrī hai agar baT jā.egī
āshiqoñ ke ghar miThā.ī lab shakar baT jā.egī

tujh se bichhaḌ ke ghar kī taraf lauTte hue
kyuuñ bastiyoñ kā vahm huā har chaTān par

yaas ummīd ġham ḳhushī ḳhvāhish
ghar meñ har chiiz hai zarūrat kī

ham ko āvārgī kis dasht meñ laa.ī hai ki ab
koī imkāñ hī nahīñ lauT ke ghar jaane kā

manzaroñ se bahalnā zarūrī nahīñ ghar se bāhar nikalnā zarūrī nahīñ
dil ko raushan karo raushanī ne kahā raushnī ke liye ek taaza ġhazal

bahut achchhā tirī qurbat meñ guzrā aaj kā din
bas ab ghar jā.eñge aur kal kī tayyārī kareñge

ḳhauf se ab yuuñ na apne ghar kā darvāza lagā
tez haiñ kitnī havā.eñ is kā andāza lagā

kabhī to aisā bhī ho raah bhuul jā.ūñ maiñ
nikal ke ghar se na phir apne ghar meñ aa.uuñ maiñ

qātil tū ghar pe kaise kahūñ maiñ burā bhalā
izzat-ma.āb hai mirā mehmān bhī to hai

bū-e-gul mauj-e-havā hai aur havā kyūñkar ruke
ab ke miTTī hī kī ḳhushbū merā ghar mahkā ga.ī

vo havā.eñ haiñ uḌe jaate haiñ pairāhan yahāñ
ai urūs-e-zīst tū kyuuñ ghar se bāhar aa ga.ī

ye havā aa.ī kahāñ se is se maiñ vāqif na thā
mere ghar meñ jo charāġhoñ kā dhuāñ phailā ga.ī

kabhī kabhī to mujhe daad itnī miltī hai
ki saare ghar kā guzāra usī se hotā hai