Tags-Ghar

mujhe bulāne makāñ aa na jaa.e sahrā tak
maiñ ghar se aayā to huuñ naqsh-e-pā miTātā huā

tumhārī yaad hai bikhrī paḌī ka.ī din se
laraz rahā huuñ maiñ apne hī ghar meñ aatā huā

kyā zamāna thā mahaktī thiiñ vo kyārī ghar kī
ghar ke āñgan gul-o-gulzār huā karte the

ghar ke sab log nibhāte the ḳhushī se jin ko
ghar ke har fard ke kirdār huā karte the

har taraf haiñ asiir ham-āvāz
baaġh hai ghar tirā to ai sayyād

DhūñD rakkhī hai mirī vahshat ne āsānī mirī
ghar kī hālat hī meñ rakh dī hai bayābānī mirī

tumhāre ghar se pas-e-marg kis ke ghar jaatā
batāo aap se jaatā to maiñ kidhar jaatā

har galī achchhī lagī har ek ghar achchhā lagā
vo jo aayā shahr meñ to shahr bhar achchhā lagā

ġhair mumkin hai tire ghar ke gulāboñ kā shumār
mere riste hue zaḳhmoñ ke hisāboñ kī tarah

sukūt-e-āb pe kañkar uchhāl kar ḳhush the
ab aaj paanī pe ghar kī asaas rakhte haiñ

raat ko ghar nahīñ aatā to mire ghar vaale
sub.h ke vaqt mirī ḳhair manāne lagte

vo hameñ DhūñDh ke ik raat meñ ghar le aayā
ham use DhūñDne jaate to zamāne lagte

tujhe qāzi-e-shahr kaise batā.ūñ
mirā ghar mire pahra-dāroñ ne luuTā

chalā thā ghar se ki bachche kī fees denī thī
kahā thā biivī ne bech aa.uuñ bāliyāñ us kī

havā ne apne liye naam kuchh rakhe hoñge
thakan se pūchh liyā ghar kā rāstā tū ne

ghar se gaatā huā niklā to huuñ maiñ naġhma-e-ehsās magar
shahr ke shor meñ dab jaa.eñ na sar lai na badal jaa.e kahīñ

safar hai ḳhatm magar be-gharī na jā.egī
hamāre ghar se ye paiġhambarī na jā.egī

ghar meñ mumkin hai magar dil meñ na dīvār uThā
faisla soch-samajh kar ye mere bhaa.ī kar

na manziloñ kī ḳhabar hai mujh ko na rāstoñ kā patā hai phir bhī
maiñ apne ghar se to chal paḌā huuñ mujhe duāoñ meñ yaad rakhnā

ghir ga.e ham vaqt ke tūfān meñ
ai ġham-e-jānāñ kahāñ hai āj-kal