Tags-Ghar

maqdūr kyā mujhe ki kahūñ vaañ ki yaañ rahe
haiñ chashm-o-dil ghar us ke jahāñ chāhe vaañ rahe

misl-e-nigāh ghar se na bāhar rakhā qadam
phir aa.e har taraf ye jahāñ ke tahāñ rahe

is faisle se ḳhush haiñ afrād ghar ke saare
apnī ḳhushī se kab maiñ ghar se nikal rahā huuñ

phir se darpesh safar kā qissa
ek TuuTe hue ghar kā qissa

phir se āñkhoñ ke sāġhar chhalakne lage mauj-dar-mauj aañsū nikalne lage
'tāb' ghar meñ vo mehmān phir aa gayā jis ke aane kī koī ḳhabar bhī na thī

ye jo kuchh log ḳhayāloñ meñ rahā karte haiñ
un kā ghar-bār bhī hotā hai nahīñ bhī hotā

jab bhī us zulf-e-pareshāñ kī havā aatī hai
ham to ḳhushbū kī tarah ghar se nikal jaate haiñ

vo tinkā joḌ kar ke nasheman jo thā banā
bastī kī aag meñ vo mirā ghar chalā gayā

maiñ jañgaloñ kī taraf chal paḌā huuñ chhoḌ ke ghar
ye kyā ki ghar kī udāsī bhī saath ho ga.ī hai

ghar meñ baiThe sochā karte ham se baḌh kar kaun dukhī hai
ik din ghar kī chhat pe chaḌhe to dekhā ghar ghar aag lagī hai

tilsim-e-shab se bahut be-ḳhabar chale aa.e
ye kyā ki shaam Dhale yaar ghar chale aa.e

tan ke māmūre meñ yahī dil-o-chashm
ghar the do so ḳharāb haiñ donoñ

dil meñ kaahe na chor ghar karte
dar bhī vā koī koī hotā hai

ai yaas mirā ghar tirā maskan to nahīñ hai
dil hai ye tamannāoñ kā madfan to nahīñ hai

apnī rūdād kā raavī hai ye sotā huā ghar
ik palak niiñd nahīñ chaar bajā chāhte haiñ

ghar se nikle haiñ kafan-posh samajh-būjh ke ham
ki vahī sab se baḌe haiñ jo bhalā chāhte haiñ

ghar meñ jo ik charāġh thā tum ne use bujhā diyā
koī kabhī charāġh ham ghar meñ na phir jalā sake

kahīñ bikhrī haiñ kitābeñ kahīñ maile kapḌe
ghar kī hālat hī ajab ham ne banā rakkhī hai

ġhanīmat hai parinde merī tanhā.ī samajhte haiñ
agar ye bhī na hoñ to ghar ke vīrāne se mar jā.ūñ

kaam par jaane vāloñ kā ruḳh ghar kī taraf ho gayā
aur ghar jaane vaale