Collections

Lab Shayari

Motivational Ghazals

Best Khamoshi Shayari

More Collections

Tags-Haalaat

ham to har haal sañvārā kiye hālāt 'āzād'
ham ko hālāt ne har-chand sañvarne na diyā

go mera sath meri apni nazar ne na diya

ġhairiyat aañkh meñ majbūri-e-hālāt se thī
dil meñ ehsās-e-shanāsā.ī hameñ varna thā

lab-kushai mein zamane se nahin Darna tha

ye gardish-e-hālāt ye afkār-e-zindagī
kaT jaa.e jaise bhī ho shab-tār-e-zindagī

ye gardish-e-haalat ye afkar-e-zindagi

kyā koī samjhe mire hālāt jab kahtā huuñ maiñ
ik musalsal raushnī ke saa.e meñ rahtā huuñ maiñ

kya koi samjhe mere haalat jab kahta hun main

kisī kī bazm ke hālāt ne samjhā diyā mujh ko
ki jab saaqī nahīñ apnā to mai apnī na jaam apnā

kisi ki bazm ke haalat ne samjha diya mujhko

jab bhī hālāt ke sho.aloñ meñ ghirā huuñ 'betāb'
aa hī pahuñchā hai koī phuul sā chehra le kar

aankh ke kunj mein ek dasht-e-tamanna le kar

maiñ apne bhaa.ī ko pardes kyuuñ bulātā 'aqīl'
vo is tarah mire hālāt tak pahuñch jaatā

tera karam ki main jab mat tak pahunch jata

ye zabānñ-bandī-e-ehsās ye jabr hālāt
jurm hai khole agar dīda-e-bedār koī

shahr-e-be-mehr mein milta kahan dildar koi

ab to hālāt kaafī behtar haiñ
varna pahle to shā.irī huī hai

uski taswir kya lagi hui hai

hālāt saañs lete haiñ dahshat kī chhāñv meñ
merā zamīr mujh hī se Dartā huā lage

zikr-e-nashat KHalwat-e-gham mein bura lage

zindagī kyā isī uljhan meñ guzar jā.egī
kyā abhī aur bhī bigḌeñge ye hālāt ki bas

dawar-e-hashr zara aur baDhe baat ki bas

un ke baġhair bhī hai vahī zindagī kā daur
hālāt-e-zindagī haiñ magar kuchh ajiib se

ab tak shikayaten hain dil-e-bad-nasib se

aaj ke hālāt par likkhūñ to kyā
gar likhūñ samjhoge afsāna koī

bas dikha de rah-e-mai-KHana koi

na bām-o-dasht na dariyā na kohsār mile
junūñ kī raah thī hālāt sāzgār mile

na baam-o-dasht na dariya na kohsar mile

tujh pe raushan mire hālāt kī zanjīreñ haiñ
rok lenā jo kabhī tujh se bichhaḌnā chāhūñ

rang alfaz ka alfaz se gahra chahun

maiñ apnī galiyoñ kī dhuul meñ khel kar baḌhī huuñ
maiñ ḳhvāb kī umr meñ bhī hālāt se laḌī huuñ

taaruf

ātish-e-talḳhī-e-hālāt meñ kyā kuchh na jalā
ab gila kyā hai jo ehsās ke par jalte haiñ

bastiyan luTti hain KHwabon ke nagar jalte hain

le ke hālāt ke sahrāoñ meñ aa jaatā hai
aaj bhī ḳhuld kī rañgīn fazā eid kā chāñd

chaak-e-daman ko jo dekha to mila eid ka chand

be-ḳhudī sirf dalīl-e-ġham-e-pinhāñ hī nahīñ
ek din kāshif-e-hālāt bhī ho jā.egī

abr chhaega to barsat bhi ho jaegi

samajh liye bhī jo hālāt kuchh nahīñ hogā
bahut añdherī hai ye raat kuchh nahīñ hogā

samajh liye bhi jo haalat kuchh nahin hoga