Tags-Haar

aaj tak ye samajh nahīñ aayā
jiit haiñ kis kī kis kī haar haiñ ham

haar ke bhī nahīñ miTī dil se ḳhalish hayāt kī
kitne nizām miT ga.e jashn-e-zafar ke baad bhī

jiit ke bhī maiñ haar ga.ī huuñ
us kī maat bhī maat nahīñ thī

dil kī baazī haar ke ro.e ho to ye bhī sun rakkho
aur abhī tum pyaar karoge aur abhī pachhtāoge

kyā kyā na dostī ke janāze uThā.e haiñ
thak-hār kar adū ke ilāqe meñ aa.e haiñ

zabt-e-ġham haar hī gayā āḳhir
us ko dekhā to ro paḌe the ham

tū mohabbat se koī chaal to chal
haar jaane kā hausla hai mujhe

dekhiye kis ke muqaddar meñ likhī hai ye bahār
aaj to ik haar phūloñ kā kaf-e-qātil meñ hai

aur thak haar kar vāpsī meñ
sarakte hue ek patthar se bachte hue

jhilmil jhilmil kirneñ aa.iiñ
mujh ko chandan-hār pahnāne

aaj hamāre lākhoñ sāthī
sāthī himmat haar na jaao

kahtā thā maiñ gale kā tire ho paḌūñgā haar
dekhā na gul ko sar pe chaḌhāne ne kyā kiyā

jab ball pheñktī thī vo gesū sañvār ke
nazdīk aur hote the hālāt haar ke

rāh-e-manzil meñ baiTho na yuuñ haar kar
rauñde jāoge tum naqsh-e-pā kī tarah

qatre shabnam ke rag-e-gul par dikhāte haiñ bahār
gundh rahe haiñ motiyoñ ke haar qiasar-bāġh meñ

manzileñ laakh kaThin aa.eñ guzar jā.ūñgā
hausla haar ke baiThūñgā to mar jā.ūñgā

vaqt se haar kar na baiTh mujhe
phir bulā le tirī adā huuñ maiñ

āsār nazar aa.e na sairābī-e-dil ke
thak-hār ke saudā-e-numū sar se nikālā

mujh ko ehsās hai tum bhī merī tarah jān-o-dil kū-e-ulfat meñ haar aa.e ho
ab ye baazī na.e sar se mumkin nahīñ apnā anjām ḳhud soch lo dosto

bil-āḳhir thak haar ke yaaro ham ne bhī taslīm kiyā
apnī zaat se ishq hai sachchā baaqī sab afsāne haiñ