Tags-Haar

kaun qismat se 'munavār' kabhī laḌ saktā hai
aa.e vo dekhe mirī haar rulāne aa.e

is baar tum ko aane meñ kuchh der ho ga.ī
thak-hār ke vo so gayā afsos mat karo

dil ye kahtā hai haar kar dekheñ
ḳhud ko tujh meñ utaar kar dekheñ

aur bahut se kaam paḌe haiñ karne ke
ashkoñ ke sat-rañge haar pironā kyā

ilāhī ham ko hai kis kā ḳhayāl-e-ḳhvāb-o-be-dārī
jo lākhoñ haar uThte haiñ hazāroñ yaar sote haiñ

ham ne ek umr haar maanī hai
ab ke tum bhī to haar kar dekho

zulmat-e-hijr meñ sadā us ne diyā hai hausla
ab ke magar bujhā diyā us ne bhī haar kar diyā

ham ne haarī thī ishq kī baazī
log to hausle bhī haar aa.e

maiñ ek pal meñ añdhere se haar jā.ūñgā
tamām umr charāġhoñ ke biich guzrī hai

zamāna ishq ke māroñ ko maat kyā degā
diloñ ke khel meñ ye jiit haar kuchh bhī nahīñ

huī pairahan se bhī ḳhush-dilī kalī dil kī aur bahut khilī
kabhī turre se kabhī gajre se kabhī baddhī se kabhī haar se

pāyābī se haar na maano
mil jā.egā gahrā paanī

dil sā vahshī kabhī qaabū meñ na aayā yaaro
haar kar baiTh ga.e jaal bichhāne vaale

ham kahte kahte haar ga.e aur duniyā ne kuchh bhī na sunā
jab duniyā ne isrār kiyā ham apnā dard sunā na sake

maiñ baaz aayā na laḌne se haar kar bhī 'fuzail'
mire ḳhudā kī haiñ mujh par ināyateñ kyā kyā

himmat na haar de koī manzil ke sāmne
parvardigār yuuñ bhī koī nā-tavāñ na ho

farz karo ham haar ga.e to
qabr kahāñ tayyār karoge

kab lag ahbāb kā ġham mujh ko dikhāvegā falak
ḳhaak ho ga.e bahut aur haiñ so chalan-hār ka.ī

dil ne bhī thak-hār ke āḳhir dar-darvāze band kiye
kaun ho ab is ġham kā nigahbāñ maiñ bhī sochūñ tū bhī soch

milā-dilā sahī ik ḳhushk haar baaqī hai
abhī bahār-e-shikast-e-bahār baaqī hai