Tags-Haar

us ke gale meñ saañp paḌā thā jaise koī haar
us ne gale se saañp utārā aur kahā ki jhuum

pahāḌ kāTne vaale zamīñ se haar ga.e
isī zamīn meñ dariyā samā.e haiñ kyā kyā

matā-e-hosh kī baazī lagā kar
bisāt-e-ishq pe ham haar jaate

ḳhaar samjho na tum unheñ hargiz
saañp ke daañt gul ke haar meñ haiñ

vo nausha miyāñ pahne goTe kā haar
chale ek meñDhe pe ho kar savār

ham lagā deñge ishq kī baazī
na mile jiit apnī haar sahī

vo misl-e-ā.īna dīvār par rakkhā huā thā
jo ik in.aam merī haar par rakkhā huā thā

kahīñ to koī hogā jis ko apnī bhī zarūrat ho
har ik baazī meñ dil kī haar ho aisā nahīñ hotā

pūchhte ho haal kyā merā qimār-e-ishq meñ
jhaaḌ baiThā haath maiñ naqd-e-dil-o-dīñ haar ke

merī gardan meñ tirī sandalī bāhoñ kā ye haar
abhī aañsū the in ā.ankhoñ meñ abhī itnā ḳhumār

dil ke kisī pinhāñ goshe meñ an-jānī koī haar chhipī hai
jaan tapāk haiñ terī bāteñ maiñ be-bāt bhaTak jaatā huuñ

ye bhī mumkin hai ki ham haar se bachne ke liye
apne dushman ke kisī vaar meñ hissa kar aa.eñ

sar par havā-e-sañg-e-malāmat chalī bahut
lekin ġhazal ne haar na maanī ġhazal suno

ġhanīm se bhī adāvat meñ had nahīñ māñgī
ki haar maan lī lekin madad nahīñ māñgī

ham jo TuuTe haiñ batā haar bhalā kis kī huī
zindagī terī uThā.ī huī saugand the ham

ye jañg jiit hai kis kī ye haar kis kī hai
ye faisla mirī TuuTī kamān se hogā

kahā maiñ ne hisār-e-zāt meñ ye nafs kī duniyā
javāb aayā ki sab kuchh haar kar tasḳhīr hotī hai

maiñ apne ghar meñ ḳhud apnoñ se baazī haar baiThā huuñ
abhī sīkhā nahīñ apnoñ meñ rahne kā hunar maiñ ne

ishq-e-sanam gale kā mire haar ho gayā
gardan kā taar rishta-e-zunnār ho gayā

aaj hamārī haar samajh meñ aane vaalī baat nahīñ
us ke puure lashkar meñ the aadhe aaj hamāre log