Tags-Hausla

lutf-e-āġhāz milā lazzat-e-anjām ke ba.ad
hausla dil kā baḌhā koshish-e-nākām ke ba.ad

kisī kī jab se jafāoñ kā silsila na rahā
dil-e-hazīñ meñ mohabbat kā hausla na rahā

zabt hoñToñ pe aa gayā to phir
terā sab hausla gayā to phir

sajda aur un ke āstāne kā
hausla dekhiye zamāne kā

ho ke nākām nā-umīd na hoñ
tū mujhe itnā hausla denā

sad-sher āshiqoñ kā hone lagā vafūr ab
sab hausla tumhārā ma.alūm ho rahegā

bahut TuuTā huuñ lekin hausla zinda bahut kuchh hai
mire andar abhī īsār kā jazba bahut kuchh hai

hausla kis meñ hai yūsuf kī ḳharīdārī kā
ab to mahñgā.ī ke charche haiñ zuleḳhāoñ meñ

aur na dar-ba-dar phirā aur na aazmā mujhe
bas mire parda-dār bas! ab nahīñ hausla mujhe

mohabbat hausla hai apnā apnā
kahīñ manzil kisī kā rāsta hai

chale to hausla javāñ thā mauj-e-gul thī aarzū
jidhar bhī aañkh uTh ga.ī samāñ nikhar nikhar gayā

rañgīnī-e-jamāl kī sarhad na thī koī
aur hausla bhī hīta-e-imkāñ se kam na thā

dekh le jo aalam us ke husn-e-bālā-dast kā
hausla itnā kahāñ apnī nigāh-e-past kā

mere dushman ke qalb meñ fil-vaqt
jañg kā hausla nahīñ baaqī

zindagī tujh se aur laḌne kā
mujh meñ ab hausla nahīñ baaqī

ye baar baar kināre pe kis ko dekhtā hai
bhañvar ke biich koī hausla uchhāl ke rakh

tamāzatoñ meñ mire ġham ke saa.e meñ chalnā
añdherā ho to mirā hausla jalā lenā

hazār tarah kī mai pī hazār tarah ke zahr
na pyaas hī bujhī apnī na hausla niklā

maiñ tirī balā se ujaḌ gayā tirā hausla to nikal gayā
ye baḌī ḳhushī kā maqām hai ki ye iid bhī tire ghar huī

dekhnā bhī nahīñ us samt gavārā un ko
ḳhatm hai silsila-e-hausla-afzā.ī bhī