Tags-Hawa

ye kashmakash huī ki garebāñ mirā udhar
TukḌe huā aur us kā dupaTTa bhī phaT gayā

yaar sayyād bāġhbāñ kā huā
ye nayā aur ik bañdhā khaTkā

tujh ko dekhā uThā uThā kar sar
saañs kā bhī agar huā khaTkā

falak ġhā.eb huā ye chāñd taare ḳhāk-dāñ se haiñ
inheñ bhī log ik duniyā nayā aalam samajhte haiñ

jitne patte the sab hī havā de ga.e
kis pe takiya rahā hai tire shahr meñ

fusūn-e-jalva-garī kā koī asar na huā
ba-qaid-e-hosh tirī anjuman se nikle haiñ

kuchh maraz aur sā ham ne bhī lagāyā huā hai
aur us ne bhī davā aur sī rakkhī huī hai

jo patiñgā lau pe fidā huā to taḌap ke sham.a ne ye kahā
ise mere dard se kyā ġharaz ye to raushnī kā ġhulām hai

shab-e-intizār meñ bār-hā mujhe 'anvar' aisā gumāñ huā
jise maut kahtā hai ye jahāñ vo kisī ke vaade kā naam hai

maiñ ne koshish kī bahut lekin kahāñ yakjā huā
saf.ha-e-hastī kā shīrāza rahā bikhrā huā

zehn kī khiḌkī khulī dil kā darīcha vā huā
tab jahāñ ke dard se rishta mirā gahrā huā

kyā patta kab kaun us kī zad pe aa jaa.e kahāñ
vaqt kī raftār se har shaḳhs hai sahmā huā

kis kī yaad aa.ī mo.attar ho rahe haiñ zehn-o-dil
kis kī ḳhushbū se hai saarā pairahan mahkā huā

peḌ ke nīche shikārī jaal phailā.e hue
aur parinda shāḳh par baiThā Darā sahmā huā

do-qadam bhī ab tumhāre saath chalnā thā muhāl
raah tum ne ḳhud alag kar lī chalo achchhā huā

zindagī har zāviye se dekhtā huuñ maiñ tujhe
hai mirī fikr-o-nazar kā dā.era phailā huā

chhap ga.ī paanī meñ apnī chhab dikhā kar jal-parī
aaj phir 'nāyāb' mere saath ik dhoka huā

ye kyā huā tumheñ lafzoñ se maat khāne lage
savāl ham ne kiyā aur nazar jhukāne lage

jab un se fāsla ham ne baḌhāyā to ye huā
vo duur hote hue bhī qarīb aane lage

tire hijr meñ chāñd ko gahan lagā
mirā rañg huā hai siyāh piyā