Tags-Hawa

baḌī dhuum se aa.ī merī savārī
jahāñ meñ huā ab mirā hukm jaarī

vo teġh mil ga.ī jis se huā hai qatl mirā
kisī ke haath kā us par nishāñ nahīñ miltā

qalam kī nok par jo zaḳhm haiñ unheñ havā na do
tum apne shauq kī ye nā-tavāniyāñ sameT lo

huā hai har tarah pāmāl qalb-e-nā-tavāñ merā
bigāḌegā bhalā ab aur kyā ye āsmāñ merā

hāl-e-dil kahne ko bārish kī zarūrat hai mujhe
aur mere ghar havā ke dosh par aatā hai vo

maiñ havā kī guftugū likhtā huuñ barg-e-shām par
jo kisī ko bhī nahīñ aatā hunar aatā hai vo

bahādur hai amaañ saḌkoñ pe lekin
Darā-sahmā huā sā ghar meñ huuñ maiñ

bhalā huā ki tire rāste kī ḳhaak huā
maiñ ye tavīl safar pā-piyāda kyā kartā

is qadar tez havā ke jhoñke
shāḳh par phuul khilā thā shāyad

log be-mehr na hote hoñge
vahm sā dil ko huā thā shāyad

bhā.ī-chāra ḳhatm huā
ho ga.e paarā paarā log

tamām fasleñ ujaḌ chukī haiñ na hal bachā hai na bail baaqī
kisān girvī rakhā huā hai lagān paanī meñ bah rahā hai

azaab utrā to paañv sab ke zamīñ kī sat.hoñ se aa lage haiñ
havā ke ghar meñ nahīñ hai koī machān paanī meñ bah rahā hai

maiñ āshiyāne ke tinke sajā.e baiThī huuñ
havā ke haath meñ nanhā sā ik sharar de de

nahīñ ārām ek jā dil ko
aah kyā jaane kyā huā dil ko

qalam uThā.ūñ ki bachchoñ kī zindagī dekhūñ
paḌā huā hai dorāhe pe ab hunar merā

har irāda sīna-e-shamshīr meñ Duubā huā
haal hai kis nashsha-e-tasḳhīr meñ Duubā huā

aañkh to ab tak tilism-e-ḳhāl-o-ḳhad kī hai asiir
dil nikaltā hī nahīñ tasvīr meñ Duubā huā

harf to saare ke saare be-sadā mujh ko lage
ḳhat agarche thā bahut tahrīr meñ Duubā huā

bām-e-dar ke TūTne meñ hī kahīñ maujūd hai
ek imkāñ ḳhvāhish-e-ta.amīr meñ Duubā huā