Tags-Hawa

'iqbāl' is ḳhushī kā bharosa bhī kuchh na thā
achchhā huā ye dard-sarī chhīn lī ga.ī

vo tāq-e-dil ho ki mehrāb-e-mimbar-e-maqtal
charāġh sab ne jalā.e havā ke hote hue

na kam huā thā gunāhoñ se raġhbatoñ kā junūñ
hazār sohbat-e-sidq-o-safā ke hote hue

yaad ā.eñgī hamārī ġhazleñ
zikr jab taaza havā kā hogā

rāz-e-haq faash huā mujh pe bhī hote hote
ḳhud tak aa hī gayā 'irfān' bhaTaktā huā maiñ

maiñ jab pahlī baar in surañgoñ meñ dāḳhil huā thā
mujhe kyā ḳhabar thī yahāñ se mafar kī koī raah mumkin nahīñ

ye nasīm ThanDī ThanDī ye havā ke sard jhoñke
tujhe de rahe haiñ lorī mire ġham-gusār so jā

jab sanam kuuñ ḳhayāl-e-bāġh huā
tālib-e-nashsha-e-farāġh huā

fauj-e-ushshāq dekh har jānib
nāznīñ sāhib-e-dimāġh huā

rashk suuñ tujh labāñ kī surḳhī par
jigar-e-lāla dāġh-dāġh huā

dil-e-ushshāq kyuuñ na ho raushan
jab ḳhayāl-e-sanam charāġh huā

ai 'valī' gul-badan kuuñ baaġh meñ dekh
dil-e-sad-chāk bāġh-bāġh huā

maiñ lauh-e-arz par nāzil huā sahīfa huuñ
diloñ pe sabt huuñ peshāniyoñ pe likkhā huuñ

khulī havā meñ jo aa.uuñ to raakh ban jā.ūñ
abhī maiñ zer-e-zamīñ huuñ magar ubaltā huuñ

shaam hotī hai to merā hī fasāna aksar
vo jo TuuTā huā taarā hai sunātā hai mujhe

aise meñ roz roz koī DhūñDtā mujhe
āvāz de rahī thī udhar kī havā mujhe

aisā huā ki ghar se na niklā tamām din
jaise ki ḳhud se aaj koī kaam thā mujhe

parde ke ās-pās koī baaġh hī na ho
khiḌkī khulī to phuul kā dhokā huā mujhe

aaj tak phirtā rahā maiñ tujh meñ hī khoyā huā
tujh se bichhḌā huuñ to ḳhud se mil liyā achchhā huā

zindagī kī chilchilātī dhuup meñ aisā huā
muddatoñ ham par na terī yaad kā saayā huā