Tags-Hawa

ḳhvāb hī ḳhvāb kī ta.abīr huā to jaanā
zindagī kyuuñ kisī āñkhoñ ke asar meñ aa.ī

chhāyā huā hai jab tamām ālam-e-kā.enāt par
gosha-e-tañg-o-tār meñ dil ke vo phir samā.e kyuuñ

sehr lagtā hai pasīne meñ nahāyā huā jism
ye ajab niiñd meñ Duubī huī bedārī hai

koī to uḌ ke dahaktā huā sūraj Dhāñpe
gard hī sar pe ghaTāoñ kī misāl aa jaa.e

zaḳhm dil par lagā nahīñ hotā
haal aisā huā nahīñ hotā

zikr-e-jānāñ huā nahīñ hotā
zaḳhm-e-dil phir harā nahīñ hotā

tire ḳhulūs-e-tahaffuz meñ shak nahīñ lekin
havā meñ ret kī dīvār gir paḌī hogī

sunte hī jis ke huī jaan havā tan se mire
is galī se ye ḳhabar bād-e-sabā laa.ī kyā

ilm jab kuchh bhī na thā to is qadar jāhil na the
ilm kuchh hāsil huā to aur jāhil ho ga.e

hazīmateñ jo fanā kar ga.iiñ ġhurūr mirā
unhī ke dam se munavvar huā shu.ūr mirā

use ab ahd-e-alam kī ināyateñ kahiye
ki zulmatoñ meñ ujāgar huā hai nuur mirā

maiñ us lihāz se be-nām nām-āvar huuñ
ki mere ba.ad huā zikr duur duur mirā

āsmāñ girtā huā saaf nazar aatā hai
bālā-ḳhānoñ meñ ye dar khulte haiñ tah-ḳhānoñ ke

kahīñ chāñd rāhoñ meñ kho gayā kahīñ chāñdnī bhī bhaTak ga.ī
maiñ charāġh vo bhī bujhā huā merī raat kaise chamak ga.ī

tujhe bhuul jaane kī koshisheñ kabhī kāmyāb na ho sakīñ
tirī yaad shāḳh-e-gulāb hai jo havā chalī to lachak ga.ī

dil se kal mahv-e-takallum the to ma.alūm huā
koī kākul koī lab koī dahan yaad nahīñ

jab tujh araq ke vasf meñ jaarī qalam huā
aalam meñ us kā naañv javāhar-raqam huā

nuqte pe tere ḳhaal ke bāñdhā hai jin ne dil
vo dā.ere meñ ishq ke sābit-qadam huā

tujh fitrat-e-buland kī ḳhūbī kuuñ likh qalam
mash.hūr jag ke biich atārad-e-raqam huā

tāqat nahīñ ki hashr meñ hove vo dād-ḳhvāh
jis be-gunah pe terī nigah suuñ sitam huā