Tags-Hawa

be-minnat-e-sharāb huuñ sarshār-e-imbisāt
tujh nain kā ḳhayāl mujhe jām-e-jam huā

jin ne bayāñ likhā hai mire rañg-e-zard kā
us kuuñ ḳhitāb ġhaib suuñ zarrīñ-raqam huā

shohrat huī hai jab se tire sher kī 'valī'
mushtāq tujh suḳhan kā arab tā ajam huā

ishq to ruḳhsat huā majnūñ ke saath
kis liye lailā kī shohrat hai yahāñ

raushnī kar diyā jalā lekin
dhyān meñ rakh havā kī maḳhmūrī

uḌtā huā uqaab to āñkhoñ meñ qaid hai
ab dekhiye uqaab ke aage kuchh aur hai

parda paḌā huā hai mirī aañkh par talab
yā barq-o-āftāb ke aage kuchh aur hai

ajab nahīñ mirī nīndeñ bhī jal uTheñ is baar
dabā huā mire bistar meñ hai sharāra-e-ḳhvāb

ġhunūda chāñd raushan huā
aur hameñ ghar tak chhoḌne kī zid kī

Dhal na jaa.e kahīñ shāne se havā meñ āñchal
ab vo sharmāte haiñ lete hue añgḌā.ī bhī

malāl-e-rañg-e-jalāl-o-jamāl Thahrā hai
dayār-e-sañg huā hai dayār-e-jāñ merā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

go zarā sī baat par barsoñ ke yārāne ga.e
lekin itnā to huā kuchh log pahchāne ga.e

qazā huā hai ek jism-e-be-tarah
kahīñ hamārī aañkh be-vazū na ho

havā meñ lafz likkhe jā rahe haiñ
koī zaḳhmī parinda uḌ rahā hai

aan ke is bīmār ko dekhe tujh ko bhī taufīq huī
lab par us ke naam thā terā jab bhī dard shadīd huā

ga.ī yak-ba-yak jo havā palaT nahīñ dil ko mere qarār hai
karūñ us sitam ko maiñ kyā bayāñ mirā ġham se siina figār hai

havā parindoñ ko le kar kis des ga.ī
maidānoñ meñ peḌoñ kā sannāTā hai

kab kisī gahre samundar ko havā samjhegī
sat.h par tairtī maujoñ ko navā samjhegī

khulī jo aañkh to mahshar kā shor barpā thā
maiñ ḳhush huā ki chalo aaj mar ga.ī duniyā