Tags-Hawa

jo māñgā ik bosa maiñ ne un se to bole kyā tū saḌī huā hai
zarā ye bāteñ suno to logo javāb kyā hai savāl kyā hai

tabāhī kī havā is ḳhāk-e-rañgīñ tak na aa.ī thī
ye vo ḳhitta thā jis meñ nau-bahāroñ kī ḳhudā.ī thī

phir yuuñ huā ki mujh se vo yūñhī bichhaḌ gayā
phir yuuñ huā ki ziist ke din yūñhī kaT ga.e

hazār jaal liye ghūmtī phire duniyā
tire asiir kisī ke huā nahīñ karte

us ke vādoñ se itnā to sābit huā us ko thoḌā sā pās-e-ta.alluq to hai
ye alag baat hai vo hai vāda-shikan ye bhī kuchh kam nahīñ us ne vaade kiye

havā bāñdhte haiñ jo hazrat jināñ kī
galī meñ hasīnoñ kī aa.e ga.e haiñ

ye dhaḌaktā huā dil us ke havāle kar duuñ
ek bhī shaḳhs agar shahar meñ zinda mil jaa.e

saa.e se saayā guzartā huā mahsūs huā
ik ajab ḳhvāb kī hairat meñ mile haiñ tujh se

tujh ko kho dene kā ehsās huā tere ba.ad
DhūñDhtā phirtā huuñ ab terā pata tere ba.ad

visāl ko ham taras rahe the jo ab huā to mazā na paayā
adū ke marne kī jab ḳhushī thī ki us ko rañj-o-alam na hotā

huā musalmāñ maiñ aur Dar se na dars-e-vā.iz ko sun ke 'momin'
banī thī dozaḳh balā se bantī azāb-e-hijr-e-sanam na hotā

chheḌ is habs meñ mahaktī ġhazal
aur dar kholtī havā ho jā

maiñ udās-rāt kā chāñd huuñ ghane bādaloñ meñ ghirā huā
mirī taab kī ho ḳhabar kise maiñ ridā-e-ġham meñ chhupā huā

nahīñ phuul maiñ ki mirī taraf kisī ḳhush-nazar kī nigāh ho
maiñ to ek zard sā paat huuñ kahīñ rāste meñ paḌā huā

mujhe Dar thā jis kā vahī huā mirī aañkh khulte hī jhaḌ gayā
tirī palkoñ par mire vasl kā thā jo ek ḳhvāb sajā huā

mirī dhaḌkaneñ thiiñ baḌhī huī mire hoñT jaise sile hue
maiñ bayān haal na kar sakā tire sāmne mujhe kyā huā

ye adāvatoñ kī subuk havā use sah sakūñ kahāñ hausla
maiñ vo peḌ huuñ ki mohabbatoñ kī fazā meñ phūlā-phalā huā

ye dayār-e-dil ye khañDar sahī magar is kī raunaqeñ kam nahīñ
yahāñ rañg rañg ke zaḳhmoñ kā shab-o-roz mela lagā huā

tamām umr mayassar bas ek ḳhāna havā
maiñ apnī zaat ke sandūq meñ purānā huā

mahāz-e-vaqt se agle paḌāv kī jānib
maiñ ruk gayā to koī dūsrā ravāna huā