Tags-Hawa

'jāved' bū-e-gul ko havā aa ke le ga.ī
kaliyoñ ko ġham huā na guloñ ko ḳhabar huī

hastī hai judā.ī se us kī jab vasl huā to kuchh bhī nahīñ
dariyā meñ na thā to qatra thā dariyā meñ milā to kuchh bhī nahīñ

phūloñ se chaman ābād bhī the daam apnā liye sayyād bhī the
sab kuchh thā 'jamīl' is gulshan meñ badlī jo havā to kuchh bhī nahīñ

kaise tai ho bachā huā rasta
sher baiThā hai jaal se niklā

jalve havā ke dosh ye koī ghaTā ke dekh
maiḳhāne uḌte phirte haiñ manzar fazā ke dekh

supurd-e-ġham-zadagān-e-saf-e-vafā huā maiñ
paḌā huuñ umr kī dīvār se girā huā maiñ

ajiib soch sī aur us pe sochtā huā maiñ
ki TūTtā tirī hairat meñ aa.inā huā maiñ

kahīñ maiñ koh pe farhād aur dasht meñ qais
vajūd-e-ishq meñ huuñ ḳhud ko DhūñDhtā huā maiñ

jise bhī milnā hai mujh se vo intizār kare
na jaane kab palaT aa.uuñ kahīñ gayā huā maiñ

na mil sakā koī afsos vaqt par mujh ko
kisī ko mil na sakā vaqt se kaTā huā maiñ

tamām ham-nafasāñ qat.a kar ga.e manzil
bas ik musāfir-e-rah, rah gayā bachā huā maiñ

tamām umr yūñhī tarz-e-būd-o-bāsh rahī
kahīñ charāġh banā maiñ kahīñ havā huā maiñ

samajh na sahl zamāne kī gardishoñ ke ba.ad
huā maiñ ḳhud ko farāham mujhe atā huā maiñ

ajiib kaifiyat-e-intishār meñ huuñ ravāñ
ġhubār sā huuñ kisī ḳhaak se uḌā huā maiñ

ḳhush-nasībī hai ki maiñ ashraf-e-maḳhlūq huā
lillāhil-hamd ġham-e-ishq kī lazzat dekhī

magar ye ki in rozoñ phir 'mus.hafī' ko
tire ġham meñ saudā huā chāhtā hai

achchhā huā sahar ne ulaT dī naqāb-e-fikr
bhaTkā diyā thā raat mujhe vaah vaah ne

uḌtī hai āsmān meñ rañgoñ kī dhuul kyuuñ
dekheñge ham havā ko havā meñ uchhāl kar

maut kī tashkīl se ubhrā huā
kaun hai merī farāvānī ke paar

dil dasht kī sūrat thā samundar huā kaise
sarsabz ḳhizāñ-zād muqaddar huā kaise