Tags-Hawa

lahū jigar kā huā sarf-e-rañg-e-dast-e-hinā
jo saudā sar meñ thā sahrā khañgālne meñ gayā

ai dost mai-kade meñ ye kaisī havā chalī
sab fitna-hā-e-dair-o-haram yaad aa ga.e

raushan abhī huā thā sar-e-jāda-hayāt
ik kākul-e-siyāh ke ḳham yaad aa ga.e

rahā na dil meñ vo bedard aur dard rahā
muqīm kaun huā hai maqām kis kā thā

mulk-e-suḳhan meñ dard kī daulat ko kyā huā
ai shahr-e-'mīr' terī rivāyat ko kyā huā

ham to sadā ke banda-e-zar the hamārā kyā
nām-āvarān-e-ahd-e-baġhāvat ko kyā huā

gard-o-ġhubār-e-kūcha-e-shohrat meñ aa ke dekh
āsūdagān-e-kunj-e-qanā.at ko kyā huā

ghar se nikal ke bhī vahī taaza havā kā ḳhauf
mīsāq-e-hijr terī bashārat ko kyā huā

agar āñkheñ na bhar aa.eñ to dil muTThī meñ aa.egā
huā hai haal jo merā tumhārā ho bhī saktā hai

band darvāze pe khaTkā sā huā
baat itnī sī ḳhabar tak aa ga.ī

phir DhūñDhtī phiregī ye pāgal havā kise
suune jazīre ham se jo ābād ho ga.e

havā ke ghuñghrū haiñ sākit thakī thakī hai shaam
udāsiyoñ kā har ik samt jaal phailā hai

tamām khel huā din Dhalā chalo ab ghar
na jaane mujh meñ utartā ye dard kaisā hai

maiñ ek umr bhaTaktā rahā huuñ sahrā meñ
ki merī ḳhaak uḌātī rahī havā barsoñ

kyuuñ nahīñ khilte ab āñkhoñ meñ ravādārī ke phuul
kyā huā ye kaun rabt-e-darmiyānī le gayā

ye havā kaisī chalī is tañgnā-e-dahr meñ
shahr jañgal ho ga.e ābādiyāñ ban ho ga.iiñ

jāma-e-hastī huā sad-chāk jab misl-e-sahr
zīnateñ duniyā kī gardā-gard-e-dāman ho ga.iiñ

sar-e-rāh siina nikāltā huā aayā thā jo vo ḳhush-nigāh
dil-ishq-ḳhū ko vo par ġhurūr lagā na ho kahīñ yuuñ na ho

band kar baiThe ho ghar radd-e-balā kī ḳhātir
ek khiḌkī to khulī rakhte havā kī ḳhātir

staam kā vasīqa huā is par registry
mānūñgā maiñ na aap ke qaul-o-qasam faqat