Tags-Hawa

kis ke bas meñ thā havā kī vahshatoñ ko roknā
barg-e-gul ko ḳhaak sho.ale ko dhuāñ honā hī thā

ġhilāf-e-sañg meñ lipTā huā hai shahr kā shahr
chalī havā to zamīñ se ġhubār tak na uThā

phir ujāloñ kā ḳhuuñ huā shāyad
qatl-gāhoñ meñ baT ga.ī hai raat

tū jahāñ ke bahr-e-amīq meñ sar par huā na buland kar
ki ye panj-roza jo buud hai kaso mauj-e-pur kā habāb hai

pahlū se mire nikal gayā but
kyā mujh se huā qusūr allāh

do kaloñ ke biich meñ ik aaj huuñ uljhā huā
merī is kam-fursatī ke karb ko samjho zarā

havas kā daam phailāyā huā hai
dil-e-ma.asūm ghabrāyā huā hai

kisī shīshe pe baal aayā huā hai
dil-e-ġhamnāk tharrāyā huā hai

tamannā ḳhuld kī aur mai-parastī
ye vaa.iz kis kā bahkāyā huā hai

kahāñ le jā.ūñ raġhbat āshiyāñ kī
añdherā har taraf chhāyā huā hai

jahāñ ho kār-farmā zar-parastī
vahāñ zauq-e-ḳhudā aayā huā hai

ḳhudārā is taraf bhī ik nazar ho
kisī ne haath phailāyā huā hai

zabān-e-'zabt' ne urdu zabāñ meñ
gul-e-sad-barg mahkāyā huā hai

kahā thā ham ne tujhe to ai dil ki chaah kī mai ko tū na piinā
jo is ko pī kar tū aisā bahkā ki ham ko mushkil huā hai jiinā

kahā thā ā.ūñgā do hī din meñ vale na aayā vo shoḳh ab tak
ginā jo ham ne 'nazīr' dil meñ to us suḳhan ko huā mahīna

jis havā ne mujhe jalā.e rakhā
phir usī ne bujhā diyā mujh ko

garm bosoñ se tarāshā huā nāzuk paikar
jis kī ik aañch se har ruuh pighal jaatī hai

tumhāre qurb meñ garmī bahut ġhazab kī thī
havā kā haath magar sard sard lagtā hai

kisī ke hoñToñ kī surḳhī ko kyā huā hai 'raaj
ġhazal kā chehra bhī kuchh zard zard lagtā hai

anokhā kuchh kahāñ aisā huā hai
tamāshā sab mirā dekhā huā hai