Tags-Hawa

kal kahīñ rafta meñ thā haal kī hairat kā asiir
ab kisī fardā kī hairānī meñ baiThā huā huuñ

ḳhair ham-zād mirā duur tamāshā.ī hai
shar huuñ aur fitrat-e-insānī meñ baiThā huā huuñ

jism huuñ aur nafas Thahrā hai zāmin merā
sā.at-e-umr kī nigrānī meñ baiThā huā huuñ

ek bāzār-e-tilismāt hai jis ke andar
jeb-e-ḳhālī tirī arzānī meñ baiThā huā huuñ

reg-tā-reg huuñ phailā huā sahrā kī tarah
aur sarāboñ kī farāvānī meñ baiThā huā huuñ

aisā sannāTā hai āvāz se haul aatā hai
ik bayābāñ sā bayābānī meñ baiThā huā huuñ

na maiñ bilqīs ki ho shahr-e-sabā kī ḳhvāhish
na ġham-e-taḳht-e-sulaimānī meñ baiThā huā huuñ

ek hoñ nālāñ qafas meñ haa.e ai bulbul ḳhamosh
sun tirā āvāz aur sahrā huā hai sabz-posh

hairat se dekhtā huā chehra kiyā mujhe
sahrā kiyā kabhī kabhī dariyā kiyā mujhe

kyā faqat merā hī ik chhalkā huā paimāna thā
jo bhī un kī bazm meñ thā hosh se begāna thā

dāmanoñ par DhūñDhiye ab kyuuñ charāġhoñ kā lahū
ham na kahte the havā-ḳhvāhoñ kī niyyat aur hai

zaḳhm-zāroñ se to sab nashtar-kade nazdīk the
chārasāzo kyā huā kitnī masāfat aur hai

ye bhī samajhne se huuñ maiñ qāsir ki aadmī kyoñ huā hai bartar
koī batā.e ki aadmī se yahāñ har ik shai hai qīmtī kyoñ

bas ek hī sham.a jal rahī thī huā thā saarā chaman ye raushan
haiñ jal rahī ab hazār sham.eñ chaman meñ hai phir bhī tīrgī kyoñ

kis tarah logoñ ne māñgīñ thiiñ duā.eñ us kī
kuchh lihāz is kā na be-mehr havā ne rakkhā

sirf 'akbar' hī nahīñ dekh ke tasvīr huā
sab ko hairāñ tire naqsh-e-kaf-e-pā ne rakkhā

vo dil nasīb huā jis ko daaġh bhī na milā
milā vo ġham-kada jis meñ charāġh bhī na milā

kisī umiid ke phūloñ bhare shabistāñ se
jo aañkh mal ke uThā huuñ to vo huā hī nahīñ

muddat huī hai vo mirā mehmāñ nahīñ huā
ghar meñ isī sabab se charāġhāñ nahīñ huā

shāmeñ udaas rāteñ bhī be-nūr haiñ bahut
vo muddatoñ se bazm-e-nigārāñ nahīñ huā