Tags-Hawa

ik ḳhvāb dhuñdlakoñ meñ bikhartā huā 'kausar'
āḳhir ruḳh-e-ta.abīr kī tashkīl to ye thī

hai mizāj us vaqt kuchh bigḌā huā sayyād kā
ai asīrān-e-qafas mauqa nahīñ fariyād kā

aap ko milnā nahīñ manzūr lo martā huuñ maiñ
muntazir baiThā huā thā aap ke irshād kā

tum diye jaao yūñhī ham ko havā dāman kī
ham se behosh nahīñ hosh meñ aane vaale

kyā ḳhabar kis samt meñ pāgal havā le jā.egī
jab purāne kashtiyoñ ke bādbāñ ho jā.eñge

ik arse ba.ad udhar se jo merā guzar huā
tum bin sabhī udaas mile ḳhaas kar galī

dil meñ ik jaltā huā tiir utar jaatā hai
jab ghaḌī bhar meñ badal jaate haiñ tevar chehre

nā-karda gunāhoñ kī sazā paa.ī hai 'nusrat'
insāf huā shahr meñ rusvā mere aage

kuchh ḳhabar na thī mujh ko khil rahā hai koī gul
bas havā kā ā.īna dekh hī liyā maiñ ne

atā karegā agar vo mālik
vo dil kī dhak dhak huā karegā

ġhuncha hī phuul ban kar jān-e-chaman huā hai
maiñ ne yaqīñ kī daulat paa.ī hai husn-e-zan se

jaise chaman se nik.hat jaise sadaf se motī
aise judā huā huuñ maiñ jannat-e-vatan se

kabhī uruuj pe thā ḳhud pe e'timād mirā
ġhurūb kaise huā hai ye āftāb na pūchh

garche maiñ ban ke havā tez bahut tez uḌā
vo bagūlā thā magar mere ta.āqub meñ rahā

tum se chāhā thā bahut tark-e-ta.alluq kar luuñ
jaane kyuuñ mujh se mirī jaañ kabhī aisā na huā

vo iḳhtilāj-e-qalb huā thā ki ek din
hāzir huā hakīm-e-matab kī janāb meñ

tirā chaḌhā huā dariyā samajh meñ aatā hai
tire ḳhamosh kināre nahīñ samajhtā huuñ

milā ek guuna sukūñ hameñ jo tumhāre hijr meñ ro liye
zarā bār-e-qalb subuk huā ka.ī daaġh dard ke dho liye

tire badan kī nazākatoñ kā huā hai jab ham-rikāb mausam
nazar nazar meñ khilā gayā hai sharāratoñ ke gulāb mausam

mirī hayāt hai bas raat ke añdhere tak
mujhe havā se bachā.e rakho savere tak