Tags-Hawa

zulmat-e-habs dil-o-jāñ meñ jalā sham.a huā
tū kahīñ hai to mujhe apnī nishānī de jā

mausam-e-hijr koī rut hai na kuchh āb-o-havā
ik taqāzā hai ki phir ghar se nikal kar dekho

maiñ kisī aañkh se chhalkā huā aañsū huuñ 'nabīl'
merī tā.īd hī kyā merī baġhāvat kaisī

vo din havā hue vo zamāne guzar ga.e
bande kā jab qayām parī-zādiyoñ meñ thā

zaḳhm ke lagte hī kyā khul ga.e chhātī ke kivāḌ
aage ye ḳhāna-e-dilchasp havā daar na thā

shab iḳhtilāt se vo mire kyā ḳhafā huā
had se ga.ī ziyāda jo añgusht-e-pā sarak

ye kyā ġhazab huā ki na ḳhanjar lagā na tiir
pahlū se aaphī aap mirā dil gayā sarak

kabhī ḳhushbū huā karte the ham bhī
kabhī qissa hamārā kū-ba-kū thā

na huā merā aur na us kā hī
dil ke hone kā fā.eda hai kuchh

sar-e-sat.h-e-reg likhī huī koī dāstān-e-junūñ milī
sar-e-lauh-e-āb banā huā koī naqsh-e-kār-e-vafā milā

kise haal apnā sunā.eñ ham kise shauq apnā batā.eñ ham
koī ham-safar hai zamīn kā koī ham-rikāb-e-havā milā

maiñ chalā thā shahr kī raah se magar apnī zaat meñ gum huā
mujhe 'bāqar' apnī talāsh thī mujhe aaj apnā patā milā

kyā havā haath meñ talvār liye phirtī thī
kyuuñ mujhe Dhaal banāne ko ye chhitnār gire

maiñ jo bhī kuchh huuñ ye sachchā.ī merī apnī hai
tamām jhuuT thā likkhā huā kitāboñ kā

merā vajūd paanī huā miTTī aur aag
bikhrī huī anā huuñ sulagtā ġhurūr huuñ

huā ehsās ye aadhī sadī ba.ad
yahāñ par sirf raste chal rahe the

kyā huā ai 'zauq' haiñ juuñ mardumuk ham rū-siyāh
lekin āñkhoñ meñ samānā koī ham se siikh jaa.e

ik safar paañv meñ paḌā huā thā
ek sāmān se nikal aayā

ma.asūmiyat to dekhiye ba.ad-e-shab-e-zifāf
ma.ashūq shikva-sanj huā hai dikhā ke lab

ḳhud ko bachā.ūñ jism sambhālūñ ki ruuh ko
bikhrā huā hai dard yahāñ se vahāñ talak