Tags-Hawa

kitnī mehnat huī ḳhuuñ pasīna huā jism miTTī huā rañg mailā huā
ḳhud to jaltā rahā dozaḳhoñ meñ magar ghar ko jannat banāyā hai tere liye

kabhī jo zo.am huā vaqt rah gayā pīchhe
nazar uThā.ī to dekhā vahī zamāna thā

muntazir haiñ sab havā ke chāñd chehre aur charāg
dekhiye ye kyā bujhā de aur kyā raushan kare

sabhī kuchh hai terā diyā huā sabhī rāhateñ sabhī kulfateñ
kabhī sohbateñ kabhī furqateñ kabhī dūriyāñ kabhī qurbateñ

mujhe mai-ḳhāna tharrātā huā mahsūs hotā hai
vo mere sāmne sharmā ke jab paimāna rakhte haiñ

zindagī se haath ham ne dho liye
vaqt ik bahtā huā dariyā lagā

subuk-pā havā kī tarah maiñ guzartā rahā
subuk-pā havā kī kahīñ koī manzil nahīñ

be-hirs-o-havā be-ḳhauf-o-ḳhatar is haath pe sar is kaf pe jigar
yuuñ kū-e-sanam meñ vaqt-e-safar nazzāra-e-bām-e-nāz kiyā

barg-e-gul jaise havā ke ruḳh par
kis latāfat se lab-e-yār khule

dekh ai kūcha-e-jānāñ kī havā
dil ke darvāze ka.ī baar khule

ka.abe jā kar bhī hameñ kashf huā
but-kade meñ bhī kuchh asrār khule

ga.ī vo baat ki ho guftugū to kyūñkar ho
kahe se kuchh na huā phir kaho to kyūñkar ho

o nazar dil se pherne vaale
dil tujhī par miTā huā hai hanūz

ik an-sunī āvāz sī aatī hai kahīñ se
ik paikar-e-mauhūm sar-e-dosh-e-havā hai

rahtā thā jahāñ dil meñ tire pyaar kā panchhī
us shāḳh par ab ujḌā huā ghoñsla sā hai

kyā huā husn hai ham-safar yā nahīñ
ishq manzil hī manzil hai rasta nahīñ

aap se uns huā chāhtā hai
phir koī baab khulā chāhtā hai

mere ahbāb meñ kar do ye ḳhabar
vo bhī ab merā huā chāhtā hai

dil kā ḳhuuñ āñkhoñ meñ khiñch aayā chalo achchhā huā
merī āñkhoñ ko mirā ahvāl kahnā aa gayā

har mauj-e-havā sham.a ke dar pai hai azal se
dil se kaho lau apnī zarā aur baḌhā.e