Tags-Hawa

naam bad-nām huā sinf-e-ġhazal kā lekin
shā.irī rasm-o-rivāyāt se aage na baḌhī

ishq ko dil meñ chhupā lete haiñ kāmil kyūñkar
un par āsān huā kartī hai mushkil kyūñkar

dekhnā lutf dam-e-qatl zarā ai qātil
ḳhāk-o-ḳhūñ meñ huā ġhaltāñ tirā bismil kyūñkar

ye to kahte ho ki ḳhud maiñ ne kaTā.ī gardan
koī hāthoñ meñ havā ke bhī to ḳhanjar dekho

jahāñ meñ ranj-e-safar ham bhī khīñchte haiñ magar
jo gum huā hai vahī kārvāñ salāmat hai

mujhe thā shikva-e-hijrāñ ki ye huā mahsūs
mire qarīb se ho kar vo nā-gahāñ guzre

kabhī ham-rañg-e-zamīñ hai kabhī ham-dosh-e-falak
kohsāroñ se uchhaltā huā dariyā dekho

ḳhayāl rañg huā chāñdnī shafaq ḳhushbū
hazār rañg meñ dekhūñ maiñ sūrateñ us kī

zāhid jo huā kar ke vuzū hauz pe qaa.em
ik rind ko sūjhī ki tū ab us ko girā bhaag

maanā ki musht-e-ḳhāk se baḌh kar nahīñ huuñ maiñ
lekin havā ke rahm-o-karam par nahīñ huuñ maiñ

jadīd rañg se maddham huā na rañg-e-kuhan
qadīm rañg meñ vo rañg bhar ga.e ham bhī

har ek lai merī ukhḌī ukhḌī sī dil kā har taar jaise zaḳhmī
ye kaun sī aag jal rahī hai ye merī gītoñ ko kyā huā hai

to jañgaloñ kī tarah aag mujh meñ phail ga.ī
ragoñ meñ bahtā huā ishti.āl thā kitnā

tabhī to jaltī chaTTānoñ pe lā ke pheñk diyā
mirā vajūd havā par vabāl thā kitnā

magar milā na kahīñ sātvāñ javāb ab tak
mujhe satātā huā ik savāl thā kitnā

hare daraḳht kā shāḳhoñ se rishta TuuT gayā
huā chalī to gulāboñ se rishta TuuT gayā

zarā sī der meñ bīmār-e-ġham huā ruḳhsat
palak jhapakte hī logoñ se rishta TuuT gayā

ye dopahar ye zamīñ par lipā huā sūraj
kahīñ daraḳht na dīvār-o-dar ke saa.e haiñ

sāmnā pyaas se huā jab jab
aab kī samt chal paḌā sūraj

ishrat-farosh thā mirā guzrā huā shabāb
kahtā huuñ khā ke ishrat-e-ayyām kī qasam