Tags-Hawa

'aḳhtar' mazāq-e-dard kā maarā huā huuñ maiñ
khāte haiñ ahl-e-dard mire naam kī qasam

kahīñ duur bastī kī āġhosh meñ
vo humaktā huā ik nayā ghar

ibn-e-mariyam huā kare koī
mere dukh kī davā kare koī

samundar aur havā ke bhed 'nāsir'
khuleñge bādbānī mausamoñ meñ

shor hai bas ki tujh malāhat kā
dil hamārā huā hai kān-e-namak

luT ga.e ek hī añgḌā.ī meñ aisā bhī huā
umr-bhar phirte rahe ban ke jo hoshiyār bahut

kitnā mushkil huā javāb mujhe
kitnā āsān thā savāl us kā

harā-bharā hī rahegā vo ḳhvāhishoñ kā daraḳht
havā hazār use barg-e-nā-rasā.ī de

hashr kā mo'taqid huā jis ne
manzar-e-matl.a-e-sahar dekhā

dard kā chehra thā barbād huā
dasht meñ sūkhā shajar baaqī hai

yaad aatā hai, ik din mire rū-ba-rū: ek pur-shor aur be-karāñ bahr thā
yaad aatā hai, ik din mire rū-ba-rū: meñ koī jāgtā jagmagātā huā

hazār bāñdhā gayā mujh pe ā.īnoñ kā hisār
kisī pe apne alāva huā na zāhir maiñ

ik baar agar qafas kī havā raas aa ga.ī
ai ḳhud-fareb phir havas-e-bāl-o-par kahāñ

ġhuncha ġhuncha ḳhauf se mujh ko nazar aayā qafas
patte patte par huā dhokā kaf-e-saiyād kā

ishq hai be-gudāz kyuuñ husn hai be-niyāz kyuuñ
merī vafā kahāñ ga.ī un kī jafā ko kyā huā

vo chehra sutā huā vo husn-e-bīmār
bechainī kī ruuh ko bhī aatā thā pyaar

jhoñkā havā kā chupke se kānoñ meñ kah gayā
ik kāñpte diye kā nigahbān maiñ bhī huuñ

na is se milne kī hai tamannā na us ko paane kī aarzū hai
diyā mohabbat kā jal rahā hai jo jī meñ aa.e kare havā kā

saḌak pe dauḌte mahtāb dekh letā huuñ
maiñ chaltā-phirtā huā ḳhvāb dekh letā huuñ

aa.ī ḳhabar jo us kī to jā.egī apnī jaan
ab to barābar apne huā nāma-bar aziiz