Tags-Hawa

hazāroñ log bas ye jism chhū kar lauT jaate haiñ
huā arsa koī is ruuh ke andar nahīñ aayā

mire dil, mire musāfir
huā phir se hukm sādir

kuchh na kuchh to pesh-e-manzar meñ bhī shāyad thā kahīñ
kuchh pas-e-manzar bhī ham āb-o-havā karte rahe

yuuñ to hāsil jahāñ meñ huā sab magar
ye kitāb-e-tamannā khulī rah ga.ī

baġhair aañkh ke chehroñ kā ab chalan hai yahāñ
vo din ga.e ki huā karte the nazar vaale

abhī to sochā thā terī mahfil meñ ham na ā.eñge ab dobāra
ye kis sadā kā gumāñ huā hai ki yak-ba-yak ham Thahar ga.e haiñ

TuuTā mirā har ḳhvāb huā jab se judā vo
itnā to kabhī dil mirā be-ās nahīñ thā

ye narm narm havā jhilmilā rahe haiñ charāġh
tire ḳhayāl kī ḳhushbū se bas rahe haiñ dimāġh

ab mirā dard mirī jaan huā jaatā hai
ai mire chāragaro ab mujhe achchhā na karo

koī do pal bhī Thahartā hī nahīñ
dil ki ujḌā huā ghar ho jaise

kal tirī hosh-ruhā.ī se huā thā āzād
aaj phir ik na.e jaadū meñ giraftār huuñ maiñ

koī bhūlā huā chehra nazar aa.e shāyad
ā.īna ġhaur se tū ne kabhī dekhā hī nahīñ

har-samt khiñch ga.e tirī yādoñ ke sā.ebān
kal raat dard lauT gayā chīḳhtā huā

dil meñ sitam kā zahr laboñ par mai-e-ḳhulūs
yārān-e-ḳhush-kalām kā ab tajraba huā

lagī to hai ye barābar mire ta.āqub meñ
gale havā ke kahīñ ye safar na paḌ jaa.e

ab kyā lagegā dil chaman-e-rozgār meñ
maarā huā hai dīda-e-ibrat-nigāh kā

sābit huā kisī pe na jurm-e-vafā kabhī
parda khulā na ishq-e-sarāpā-gunāh kā

kitābeñ so nahīñ pā.eñgī mere ba.ad kabhī
huā tū aa ke inheñ loriyāñ sunā denā

ab bhī kyā is meñ hai ābād syāhī 'hamdam'
mere vīrāne kā kyā haal huā mere ba.ad

samā.atoñ pe mirī aaj kaisī dastak hai
koī havā se patā merā pūchhtā hogā