Tags-Hawa

ma.alūm huā hai ye parindoñ kī zabānī
tham jā.egā tūfān daraḳhtoñ ko girā kar

mai-kashī meñ jo huā chashm-e-ḳhumārī kā ḳhayāl
rah gayā jaam hathelī kā phapholā ho kar

rūnumā lekin muqaddar se huā vo ishq ke
jo talavvun husn kī fitrat meñ mahbūbāna thā

dūsrī baar huā hai ki yahī dost huā
par parindoñ ke katartī huī dekhī ga.ī hai

haath meñ diyā liye vo chhat par vāpas aa.ī
us ke saath havā kā jhoñkā vāpas aayā

jalāo ḳhūn-e-dil mahfil meñ jab kuchh raushnī hogī
añdherā har taraf chhāyā huā hai bazm-e-jānāñ ke

ye shahr-e-dillī bahisht-e-nazar jo thā kal tak
banā huā hai jahannam zamīñ se tā-ba-falak

judā bhī ho ke vo ik pal kabhī judā na huā
ye aur baat ki dekhe use zamāna huā

na pūchh merā pata mauja-e-havā huuñ maiñ
bhalā havā kā bhī koī kabhī Thikāna huā

har ek samt sahīfe khule paḌe the yahāñ
tirā nasīb ki tū harf-āshnā na huā

panāh miltī kise merī kibriyā.ī se
ḳhudā kā shukr maiñ banda huā ḳhudā na huā

is apnī khoj meñ kyā kyā khule na bhed magar
maiñ huuñ bhī yā ki nahīñ mujh pe aa.ina na huā

nidā-e-ġhaib thī terī sadā thī dhaḌkan thī
mire shu.ūr se itnā bhī faisla na huā

shajar to raah kā saaya haiñ un ko kyā mālūm
kahāñ se aayā musāfir kidhar ravāna huā

faqīr ho ke liyā tū ne kyā 'bashīr' ki jab
galīm-posh bhī tū ho ke bā-safā na huā

hue āzim-e-mulk-e-adam jo 'havas' to ḳhushī ye huī thī ki ġham se chhuTe
par farāġh alam se na vaañ bhī milā vaañ ġham ye huā ki vo ham se chhuTe

kabhī dair meñ the kisī but pe fidā kabhī ka.abe meñ karte jā ke duā
tire kūche meñ baiThe to ḳhuub huā ki kashākash-e-dair-o-haram se chhuTe

maiñ huā bhī jo bismil-e-teġh-e-jafā vale baaqī hai dil meñ abhī ye vafā
ki yaqīñ hai lahū mirā jā-e-hinā jo lage to na pā-e-sanam se chhuTe

lau detī huī raat suḳhan kartā huā din
sab us ke liye jis se muḳhātib bhī nahīñ the

kaash aa saktī havā ke saath maiñ
aa chukī ghar jab yahāñ se vo ga.ī