Tags-Hawa

tū ki maujūd agar misl-e-havā sehn meñ thā
shajar-e-jāmid-o-sākit ko hilā denā thā

jis meñ kabhī bhī aks kī kircheñ nahīñ rahīñ
TuuTā huā vo shīsha-e-ehsās de gayā

havā us ko uḌā le jaa.e ab yā phūñk de bijlī
hifāzat kar nahīñ saktā mirī jab āshiyāñ merā

chunī huī haiñ tah-e-ḳhisht uñgliyāñ us kī
khulā huā hai pas-e-reg bādbāñ us kā

vo ik charāġh hai dīvār-e-ḳhastagī pe rukā
havā ho tez to har haal meñ ziyāñ us kā

maiñ zamīn par girā huā chāñd huuñ
qadmoñ se pahle dīvār mujhe phalāñg rahī hai

ruḳh dekhā jis samt havā kā us jānib muñh kar ke chale
dasht-e-junūñ ke dīvāne bhī misl-e-sabā chālāk hue

guzar huā jo kabhī us se mil liye varna
savāl us se kujā mudda.ā bhī koī nahīñ

raat hai yā havā makānoñ meñ
jal rahā hai diyā makānoñ meñ

ham ki haiñ naqsh sar-e-reg-e-ravāñk kyā jaane
kab koī mauj-e-havā apnā nishāñ le jaa.e

qafas meñ daam meñ mere phaḌakne kā ye baa.is hai
havā parvāz karne kī mire par se nikal jaa.e

yahī nahīñ ki faqat rizq-e-ḳhvāb band huā
gadā-e-kū-e-hunar bhī sagāñ kī zad meñ hai

raushnī bhī chāhiye taaza havā ke saath saath
khiḌkiyāñ rakhtā huuñ apne ghar meñ roshan-dān bhī

abhī to us kā koī tazkira huā bhī nahīñ
abhī se bazm meñ ḳhushbū kā raqs jaarī hai

mohabbat bhī huā kartī hai dil bhī dil se miltā hai
magar phir aadmī ko aadmī mushkil se miltā hai

saañs lene ko koī ....aur Thikānā DhūñDo
shahr jañgal sā huā jaatā hai insānoñ kā

maiñ kam-sinī ke sabhī khilaunoñ meñ yuuñ bikhartā javāñ huā thā
dilā maiñ tere hasīñ ḳhayāloñ se Dartā Dartā javāñ huā thā

mujhe sitāroñ kī gardishoñ se Darā.egā kyā nasīb merā
ki maiñ bagūloñ ke saath sahrā meñ raqs kartā javāñ huā thā

baḌā ta.ajjub hai terī āñkhoñ kī ik tajallī se jal gayā huuñ
vagarna sho.aloñ kī aañkh par maiñ girā guzartā javāñ huā thā

usī kahānī ne rañg dī hai mirī javānī kī har nishānī
maiñ jis kahānī meñ zindagānī ke rañg bhartā javāñ huā thā