Tags-Hawa

hamārī samt lagātār vaar hote hue
use bachāne meñ aksar maiñ choT khātā huā

sukh kī zamīñ basīt nahīñ hai to kyā huā
dukh to mirā vishāl hai ākāsh kī tarah

kyuuñ āsmān-e-hijr ke taare chale ga.e
ab kyā huā jo ḳhvāb tumhāre chale ga.e

rūThā huā hai chāñd bahut āftāb se
aur chāñdnī ko DhūñDne taare chale ga.e

kis liye jalne nahīñ detī charāġhoñ ko mire
ai havā tū jā kahīñ koh-o-daman meñ raqs kar

nashsha-e-āvārgī jab kam huā to ye khulā
koī bhī rasta mire ghar kī taraf jaatā na thā

khaḌe haiñ rāste meñ haath bāñdhe peḌ saf-basta
havā kyuuñ chāñdnī ke dosh par aa.ī namī-dānam

is tarah aks paḌā tere shafaq hoñToñ kā
sub.h-e-gulzār huā sīna-e-vīrāñ apnā

aag meñ ġham kī ho ke gudāzāñ jism huā sab paanī sā
ya.anī bin in shola-ruḳhoñ ke ḳhuub hī ham bhī taa.e ga.e

husn yuuñ khoyā huā sā bazm-e-mahsūsāt meñ
jaise donoñ vaqt milte huuñ bharī barsāt meñ

ai nūr-e-nazar muntazir-e-vasl huuñ aa jā
do paaT palak ke nahīñ darvāza huā mahz

ye merā dil nahīñ ujḌā huā makāñ hai koī
ye merī aañkh nahīñ zaḳhmoñ kī kiyārī hai

fir.aun-e-be-karam jo huā mā.il-e-sitam
naddī mire lahū kī vahīñ niil ho ga.ī

maiñ ab gila jahāñ meñ begānoñ siiñ kyā karūñ
jiinā huā muhāl mujhe āshnā ke haath

ik samundar ne ḳhud ko jazīra kiyā
kyā huā kyuuñ huā pūchhtā kaun hai

jab se mere dil meñ aa kar ishq kā thānā huā
hosh-o-sabr-o-aql-o-dīñ kyā sab se begāna huā

dil hamārā ḳhāna-e-allāh gar mash.hūr thā
so butoñ ke ishq meñ ab ye bhī but-ḳhāna huā

qissa-e-farhād-o-majnūñ raat din paḌhte the ham
so to vo maazī paḌā ab apnā afsāna huā

raat din ye soch rahtā hai mire dal ke ta.iiñ
ai ḳhudā yaañ se vo jā kar kis kā ham khānā huā

kyā haqīqat pūchhtā hai merī tanhā.ī kī tū
jab ki mere paas se pyāre tirā jaanā huā