Tags-Health

tabībo na baḳhshe kī sehat ThanD aa.e
na jab tak ki zahr is meñ ham ghol leñge

ruuh ko rog mohabbat kā lagā detī haiñ
sehat-e-dil jo atā kartī haiñ bīmār āñkheñ

maut kyā aa.ī tap-e-furqat se sehat ho ga.ī
dam nikalne se badan ThanDā huā ranjūr kā

jo aap aa.eñ pa.e ayādat yaqīñ hai ho jaa.e mujh ko sehat
magar barā-e-ḳhudā ye zahmat kabhī gavāra na kījiyegā

jis ke maraz pe sehat-e-ālam nisār ho
kis tarah vo marīz duā-e-shifā kare

marnā thā ki sehat maraz-e-ishq se paa.ī
ab kuchh bhī tabī.at nā-sāz nahīñ hai

huī muddat tire zulfoñ ke dīvāne kī sehat ko
bigaḌ jaatā hai shab zanjīr kī āvāz aatī hai

ġhashī kā aalam vo zor par hai mizāj-e-sehhat se be-ḳhabar hai
davā kā ġhaflat-zada asar hai ḳhabar davā ko nahīñ asar kī

sehat achchhī na ho to zulf-e-nisvānī se bachnā
fishār-e-ḳhūñ ke hamle meñ namak-dānī se bachnā

pī rahā hai muskurā kar jām-e-sehat maut kā
tere bīmār-e-mohabbat ko shifā se kyā ġharaz

jab ā.eñge vo pa.e-ayādat to hogī dil ko umīd-e-sehhat
zamāna mujh ko duā karegā masīh merī davā kareñge

magar taaza sitam ko vo mirī sehat kā ḳhvāhāñ hai
ki kal zaḳhmī kiyā aur aaj ban kar chārasāz aayā

sehat hai maraz qazā shifā hai
allāh hakīm hai hamārā

jis kī sehat ke liye aap duā.eñ māñgeñ
aise bīmār ko bhī maut kahīñ aa.ī hai

huī hargiz na tere chashm ke bīmār ko sehhat
na jab tak zahr tere ḳhatt-e-zañgārī se haath aayā

murġh-e-dil mardum-e-bīmār pe sadqa kar Daal
vāste sehhat-e-jāñ ke amal-e-tair to hai

marīz-e-hijr ko sehat se ab to kaam nahīñ
agarche sub.h ko ye bach gayā to shaam nahīñ

sehat dil-o-dimāġh baqā aur zindagī
in ne.amatoñ se duur rahe aah aadmī

har vaqt fikr-e-marg-e-ġharībāna chāhiye
sehhat kā ek pahlū marīzāna chāhiye

ahbāb haath uThā.eñ hamāre ilaaj se
sehat-pazīr ishq kā bīmār ho chukā