Tags-Hijr

is zamāne ko taras jā.eñge ham
aah ye tishnagī-e-hijr-o-visāl

tujh se mil kar bhī ġham-e-hijr kī talḳhī na miTī
ek hasrat sī ye andāz-e-digar hai ki jo thī

shafaq-e-shām-e-hijr ke hāthoñ
apnī utrī huī qabā bhejo

apnā bīmār hai dil ishq kā bīmār nahīñ
ḳhud tashaffī ke sivā hijr kā āzār nahīñ

gul kar na de charāġh-e-vafā hijr kī havā
tūl-e-shab-e-alam mujhe patthar banā na de

hijr ke sadme us kā taġhāful bāteñ haiñ sab kahne kī
kuchh bhī na mujh ko yaad rahegā jab vo gale lag jā.egā

kisī din mujh ko le Dūbegā hijr-e-yār kā sadma
charāġh-e-hastī-e-mauhūm hogā gul samundar meñ

maiñ chakoroñ kā ham-navā huuñ mujhe
tū shab-e-hijr se Darātā hai

ne taab hijr meñ hai na ārām vasl meñ
kam-baḳht dil ko chain nahīñ hai kisī tarah

hai koī ab jo lagī dil kī bujhā.e merī
hijr meñ roke gañvā baiThā huuñ saare aañsū

merā tumhāre hijr ne ye haal kar diyā
shab ko tumhārī shakl nazar aa.ī moon meñ

shab-e-ġham muḳhtasar hone lagī hai
marīz-e-hijr chañgā ho gayā hai

ai yād-e-yār dekh ki bā-vasf-e-ranj-e-hijr
masrūr haiñ tirī ḳhalish-e-nā-tavāñ se ham

dil ko ab hijr ke lamhāt meñ Dar lagtā hai
ghar akelā ho to phir raat meñ Dar lagtā hai

mar jā.ūñ ki jiitā rahūñ maiñ hijr meñ tere
kis chiiz kā ḳhvāhāñ hai mirā dil nahīñ ma.alūm

na nashāt-e-visāl na hijr kā ġham na ḳhayāl-e-bahār na ḳhauf-e-ḳhizāñ
na saqar kā ḳhatar hai na shauq-e-iram na sitam se hazar na karam se ġharaz

vasl hī asl hai 'tahsīn' pareshāñ mat ho
hijr-e-ādam se hue jurm kā jurmāna hai

ḳhud apne hijr kī ḳhvāhish mujhe aziiz rahī
ye tere vasl kā qissa to ik bahāna huā

vo shab-e-hijr vo āsār-e-sahar aur dil meñ
Dūbtī TūTtī miTtī huī yādoñ kā hujūm

hijr meñ sone kī aisī hī tamannā ai 'vazīr'
dekhtā huuñ us ko hasrat se jise aatī hī niiñd