Collections

Lab Shayari

Motivational Ghazals

Best Khamoshi Shayari

More Collections

Tags-Hijrat

shab-e-hijrat meñ us mahtāb-rū kī
har ik aañsū huā raushan sitārā

kahan hai gul-badan mohan piyara

bas hameñ ishq kī āshufta-sarī khīñchtī hai
rizq ke vāste ham ne kabhī hijrat nahīñ kī

wahan mahfil na sajai jahan KHalwat nahin ki

āzurda thī ġhurbat meñ mire dost kī hijrat
kuchh maiñ bhī pareshāñ huuñ arab DhūñD rahā huuñ

guzre hue lamhat ko ab DhunD raha hun

jis taraf chāhūñ pahuñch jā.ūñ masāfat kaisī
maiñ to āvāz huuñ āvāz kī hijrat kaisī

jis taraf chahun pahunch jaun masafat kaisi

hijāb-e-tan kasād-e-raunaq-e-kālā-e-yūsuf hai
taraddud kyā hai zindāñ-ḳhāna-e-hijrāñ se hijrat kā

khula hai jalwa-e-pinhan se az-bas chaak wahshat ka

hijr se hijr tak thī ye hijrat
vo milā ya.anī kho gayā ya.anī

main use sochta raha yani

āḳhir hameñ bhī paḌ gayā hijrat se vāsta
rakhtā hai kaun shahr meñ sahrā-nazhād ko

dharti pe zindagi ke amiT etimad ko

dil lagāyā hai to nafrat bhī nahīñ kar sakte
ab tire shahr se hijrat bhī nahīñ kar sakte

dil lagaya hai to nafrat bhi nahin kar sakte

umr nā-kāfī hai is hijrat-e-avval ke liye
phir janam luuñ to mirī hijrat-e-sānī sunñā

aag ke sath main bahta hua pani sunna

vaslat o hijrat-e-ushshāq meñ kyā thā avval
nafī thī ba.ad to isbāt se pahle kyā thā

pesh-tar jumbish-e-lab baat se pahle kya tha

hue haiñ khokhle ham log hijrat meñ so Darte haiñ
ḳhalā ye ruuh kā aisā na ho bāhar nikal aa.e

kahin aankhen kahin bazu kahin se sar nikal aae

ho chukī hijrat to phir kyā farz hai ghar dekhnā
apnī fitrat meñ nahīñ pīchhe palaT kar dekhnā

ho chuki hijrat to phir kya farz hai ghar dekhna

is se pahle ki zamīñ-zād sharārat kar jaa.eñ
ham sitāroñ ne ye sochā hai ki hijrat kar jaa.eñ

is se pahle ki zamin-zad shararat kar jaen

hijrat se pahle hijr ke the vasvase mujhe
har lamha hādisa thā guzarne se peshtar

thi qahr-e-sadgi bhi sanwarne se peshtar

bas is qadar ki ye hijrat kī umr kaT jaa.e
na mujh ġharīb se rakh silsila bahut gahrā

khula na mujhse tabiat ka tha bahut gahra

ai asīr-e-qafas sahr-e-anā dekh aa kar
kitnā mushkil hai tire shahr se hijrat karnā

zabt karna na kabhi zabt mein wahshat karna

umr kitnī kaT ga.ī hijrat meñ sochā hī nahīñ
chehre kī saarī lakīreñ aa.ine likhte rahe

hath mein jab tak qalam tha tajribe likhte rahe

jis meñ kuchh qabreñ hoñ kuchh chehre hoñ kuchh yādeñ hoñ
kitnā dushvār hai us shahr se hijrat karnā

kitna dushwar hai jazbon ki tijarat karna

ḳhabar ye hai ki udhar chal rahī hai garm havā
koī parinda bhī hijrat kā faisla na kare

sulagti ret pe chalna paDe KHuda na kare

hijr se hijrat talak har dukh se samjhautā kiyā
bhiiḌ meñ rah ke bhī maiñ ne ḳhud ko tanhā kar diyā

KHwab girwi rakh diye aankhon ka sauda kar diya